Маңғыстауда нөсер жауын салдарынан төрт мектеп пен балабақша онлайн форматқа көшті

06 мамыр 2022, 19:56

6 мамырға қараған түні Маңғыстау облысында нөсер жаңбырдан кейін төрт мектеп пен бір балабақша су астында қалды, деп хабарлайды Stan.kz ақпарат агенттігі. 

Мектептерде сабақ онлайн форматқа көшірілді, деп хабарлады облыстың білім басқармасы.

"5 мамырда оқушылар қатты жаңбырдан кейін мектепке бара алмай қалды. Осыған байланысты Жаңаөзен қаласының Рауан кентіндегі №22 жалпы білім беретін мектепте, №9, 21, №23 мектептерде, сондай-ақ Рахат ауылындағы №12 балабақшада оқу процесі уақытша онлайн форматқа ауыстырылды", - делінген хабарламада басқарма хабарламасында.

Сондай-ақ, Қарақия ауданының Бостан ауылындағы Қарақұдық мектебінің оқушылары да қашықтан оқиды.

Жаңаөзен қаласының әкімдігі 5 мамырда жаңбыр суын сору үшін 12 арнайы техника жұмылдырылғанын хабарлады. 6 мамыр, жұмада бұл іске 19 "Өзенмұнайгаз", 2 "Өзенмұнай Инвест", 6 "Өзенмұнай сервис", 3 "бұрғылау" және 4 төтенше жағдайлар департаментінің арнайы техникасы шығарылған.

Әкімдік қызметкерлері бірінші кезекте әлеуметтік нысандарда жаңбыр суын сору жұмыстары жүргізіліп жатқанын айтты. Сондай-ақ, көше ағындарынан су алу және ағынды суларды топырақпен жабу жұмыстары қолға алынған.