Ел жаңалықтары

Мәскеу соты Навальныйдың штабтарын «экстремистік ұйым» деп таныды

  • Мәскеу соты Навальныйдың штабтарын «экстремистік ұйым» деп таныды

    Мәскеу соты Навальныйдың штабтарын «экстремистік ұйым» деп таныды

Мәскеу қалалық соты сәрсенбі күні кешке Алексей Навальный негізін қалаған "Жемқорлықпен күрес қоры" (ФБК) мен Навальный штабтарын, бұған қоса "Азаматтардың құқығын қорғау қорын" "экстремистік ұйым" деп танып, Ресей аумағында қызметіне тыйым салды, деп жазады Азаттық.

Сот аталған ұйымдарды жабуды ұйғарды. Олар жұмысын дереу тоқтатуы тиіс. Алайда сот шешімі апелляциялық инстанцияда қайта қаралуы мүмкін.

Шешімнің шығуына прокуратура шағымы түрткі болған. Сот отырысы 12 сағаттан астам уақытқа созылды. Сот отырысының соңында "Жемқорлықпен күрес қорының" адвокаттары соттың істі біржақты қарап жатқанын алға тартып, процестен шығып кетті.

Адвокат Иван Павловтың сөзіне қарағанда, ФБК-ның рұқсат етілмеген акцияға қатысушылардың айыппұлын төлеп беруге уәде етуін айыптау тарабы "экстремистік әрекетті қаржыландыру" деп бағалаған.

Құжаттардың бір бөлігі "құпия" болғандықтан сот тыңдауы жабық өтті. Соңғы отырыс кезінде қорғау тарабының істі құпияландырмау туралы өтініші қанағаттандырылмады.

Қамауда отырған Навальныйдың Инстаграмдағы парақшасында соттан кейін төмендегідей хабарлама пайда болды:

"Мақсаттарымыз мен идеяларымыздан бас тартпаймыз. Бұл біздің ел, бізде басқа Отан жоқ".

Жақында қабылданған заңға сәйкес, ФБК немесе штабта жұмыс істемеген Навальный жақтастарының әрекеті "экстремистік ұйымды қолдау" деп танылса, олар кез келген деңгейдегі сайлауға түсе алмайды.

16 сәуірде Мәскеу прокуроры Денис Попов сотқа шағым түсіріп, Навальный ұйымдарын "экстремистік" деп тануды сұраған. Прокуратура өкілдерінің пікірінше, ФБК және өзге де ұйымдар Ресейдегі әлеуметтік және қоғамдық-саяси жағдайды тұрақсыздандырып отыр.

26 сәуірде Мәскеу қалалық соты Навальныйдың аймақтағы штабтарының жұмысын тоқтатқан, 27 сәуірде ФБК мен Азаматтардың құқықтарын қорғау қорының жұмысы тоқтатылды. 29 сәуірде Навальныйдың аймақтағы штабтарының үйлестірушісі Леонид Волков ұйым таратылғанын хабарлады. Ол штабтар жабылмаса, Навальныйдың жақтастарына қауіп төнуі мүмкін деп мәлімдеген.




Көрілген: 428    Пікірлер: 0

бейсенбі, 10.06.2021, 15:59

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30