Нұр-Сұлтанда жол апатынан жүргізуші қаза тапты

08 мамыр 2022, 14:54

Нұр-Сұлтанда жол апатынан жүргізуші қаза болды, - деп хабарлайды Tengrinews.kz тілшісі елордалық ПД баспасөз қызметіне сілтеме жасап.

Оқиға 8 мамырда сағат 2:40 шамасында болған.

"Toyota Camry көлігінің жүргізушісі Сембинова көшесімен Кенесары көшесі қиылысында бағдаршамның қызыл түсіне өтіп кетіп, осы уақытта Кенесары көшесінде келе жатқан Mercedes-Benz көлігімен соқтығысты", - делінген хабарламада. 
 
Соқтығыс салдарынан Mercedes-Benz көлігінің жүргізушісі алған жарақаттарынан оқиға орнында қаза болған. Toyota Camry жүргізушісі мен Mercedes-Benz көлігінің жолаушылары түрлі дене жарақаттарымен ауруханаға жеткізілді.