Оралда тұтқындар тергеу изоляторының күзетшілерімен төбелесті

01 қазан 2021, 09:09

Екі тұтқын серуендеу кезінде тергеу изоляторларының қызметкерлеріне қатысты агрессивті әрекет жасады, деп хабарлайды Stan.kz ақпарат агенттігі.

Оқиға 2020 жылдың мамыр айында болған. Орал қалалық соты оларға қатысты айыптау үкімін шығарды.

 
“Орал тергеу изоляторының аумағында жазасын өтеген екі тұтқын серуенге шығып, есікті ұрып, түкіріп, боғауыз сөздерді айта бастады. Бақылаушы оларға ескерту жасаған, бірақ олар бұған жауап қайтармаған. Онымен қоса, тұтқындардың бірі оны ұрып жіберген. Үш қызметкер күресіп жатқан ер адамдарды ажыратуға тырысты. Екінші тұтқын тергеу изоляторының қызметкерлерін тепкен” – дейді БҚО прокурорының аға көмекшісі Әсел Беркалиева. 
Сот отырыстары барысында тұтқындар өз кінәсін мойындаған жоқ, тергеу изоляторының қызметкерлері оларды өздері арандатып, зорлық-зомбылық қолданғанын мәлімдеді.

Нәтижесінде кісі өлтіру және бұзақылық жасағаны үшін сотталған екі тұтқын жазасын 13,5 жыл емес, 14,6 жыл өтейтін болады, –  деп түсіндірді Әсел Беркалиева.