Сәтбаев қаласында ЖЭО-ға «жарылғыш зат қойған» ер адам ұсталды

22 желтоқсан 2022, 02:30

Сәтбаев қаласының полицейлері ЖЭО-на «жарылғыш зат» қойылды деп хабарлаған мас ер адамды ұстады, деп хабарлайды Azattyq Ruhy Polisia.kz-ке сілтеме жасап.

 
Ұлытау облысы Сәтбаев қаласының полиция бөлімінің кезекші бөліміне, белгісіз біреуден жылу электр орталығында жарылыс болатыны туралы хабарлама келіп түсті.

Аталған энергетикалық нысанға келген жедел-тергеу тобының қызметкерлері алкогольдік масаң күйде болған 27 жастағы ер адамды ұстады, ол кінәсін мойындады.

ЖЭО аумағында жүргізілген тексеріс нәтижесі бойынша жарылғыш зат табылмады. Аталған факті бойынша Қылмыстық кодекстің 273-бабы (Терроризм актісі туралы көрінеу жалған хабарлау) бойынша сотқа дейінгі тергеу басталды. Күдікті уақытша ұстау изоляторына қамалды.