Шаңды дауыл: Маңғыстауда барлық бағыттағы жолдар жабылды

06 наурыз 2022, 00:23

Құм аралас қатты жел өңірдің батысы мен орталығында әлі басылмай тұр,- деп хабарлайды Alashainasy.kz тілшісі «Хабар 24»-ке сілтеме жасап.

Автокөлік жүргізушілері әлеуметтік желілерде жолдардың көрінбей қалғанын хабарлап жатыр.

 

Облыстық полиция департаментінің мәліметінше, жол апаты тіркелмеген.

 

Кеше төтенше жағдай департаменті тұрғындарға дауылды ескерту жіберген. Онда желдің жылдамдығы секундына 23-28 метрге жететіні айтылған.