Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

ШҚО-да сотталушы сүйіктісінің арманын орындады

27 шілде 2022, 08:12

Қоныс колониясында танысқан жас жұбайлар бүгінде жаңа өмірге бірге аяқ басты. Бірі түрмеден босап шықса, ал екіншісі жазасын әлі өтеп жатыр, - деп хабарлайды Alashainasy.kz тілшісі Zakon.kz-ке сілтеме жасап.

2020 жылы түрме қабырғасында кездесе бастаған жазасын өтеуші екі жас осы күнге дейін бірге болып, шаңырақ көтеруді жоспарлаған. 2022 жылдың басында жазасын өтеп жатқан бойжеткен түрмеден босап шықты. Ал жігіттің мерзімі әлі аяқталмаған. Бостандыққа шыққан қыз темір тордың арғы жағындағы ғашығын ұмытпады. Көп ұзамай олар үйлену туралы шешім қабылдады.

 

Жазасын өтеушілер үшін отбасын құру оң әсер етеді. Бір біріне қолдау білдіріп отырады. Жазасын өтеуші жігіт түрмеде жұмысқа бекітіліп, үйлену тойына ақша жинады. Өзінің еңбек сүйгіштігінің арқасында сүйіктісінің арманын орындап, ақ көйлек кигізіп, салтанатты той өткізді. Мекеме әкімшілігі тарапынан сотталғанға демалыс берілді, – деп атап өтті ШҚО бойынша ҚАЖД Сотталғандарды жұмыспен қамту бөлімінің бастығы, әділет майоры Арай Көшербаева.

 

Ер азамат өз сүйіктісінің махаббаты, қолдауы мен шыдамдылығы үшін ризашылығын білдірді.

 

Босап шыққанына қарамастан, маған қолдау көрсетіп отырды. Осы уақытқа дейін үйлену тойын жасау үшін жалақымды жинадым. Жарымның арманын орындап, отбасын құрдым. Алдағы уақытта тек жақсы жанұя болатынымызға сенемін, - дейді ОВ 156/22 мекемесінде жазасын өтеуші.