Синоптиктер: Қызылорда, Маңғыстау облыстарын құрғақшылық күтіп тұр

12 мамыр 2022, 10:47

«Қазгидромет» мамандарының болжамынша, мамыр айында жауын-шашын аз болады.

Алайда құрғақшылықтың зардабын тартпайтын өңірлер де бар, деп хабарлайды  КТК арнасы.

Қатты қуаңшылық Қызылорда облысының Қармақшы және Маңғыстау облысының Маңғыстау ауданында күтіледі. Мамандар айдың аяғына дейін ауа райының қатты ыстық болатынын айтады. Дәл осы екі аудан былтыр да құрғақшылықтан зардабын тартқан еді. Соның кесірінен мыңдаған бас мал арам қатты. Кейбір аудандарда табиғи сипаттағы төтенше жағдай режімін жариялауға тура келді. 

Биыл Маңғыстау өңірінде тағы төтенше жағдай енгізілді. Бұған малдың қырылуы емес, толастап жауған жауын-шашын себеп болды. Дегенмен қатты жаңбыр бұл аймақты құрғақшылықтан құтқармайын деп тұр. 

Ал елдің өзге өңірлеріне келер болсақ, мамыр айында Ақмола және Солтүстік Қазақстан облыстарында орташа құрғақшылық болады. Қалған облыстарда қолайлы ауа райы сақталмақ.