Талғар ауданының бұрынғы әкіміне қатысты сот үкімі шықты

15 желтоқсан 2021, 20:23

Алматы облысы, Талғар ауданының бұрынғы әкімі Серікжан Ерекешовке қатысты сот үкімі шықты. Бұл туралы сыбайлас жемқорлыққа қарсы қызмет агенттігі хабарлады.

 
14 желтоқсанда Алматы облысы Талғар аудандық соты Талғар ауданының бұрынғы әкімі Ерекешовке және Талғар ауданының тұрғын үй-коммуналдық шаруашылық және тұрғын үй инспекциясы бөлімінің басшысы Шамаевқа қатысты үкім шығарды.

Айыпталушылар ЖШС директорынан сумен жабдықтау жүйесінің құрылысы бойынша орындалған жұмыс актілеріне қол қойғаны үшін 2 миллион теңге сомасында пара алды деп күдікке ілінген.

"Талғар ауданының бұрынғы әкімі Ерекешев сотталып, оған 59,4 миллион теңге айыппұл салынды. Осы үкім бойынша, Талғар ауданының тұрғын үй-коммуналдық шаруашылық және тұрғын үй инспекциясы бөлімінің басшысы Шамаевқа 29,7 миллион теңге айыппұл салынды", - делінген хабарламада.
Үкім әлі заңды күшіне енген жоқ.