Ел жаңалықтары

Теңгенің әлсіреуіне не себеп болды? Ұлттық Банк түсіндірді

  • Теңгенің әлсіреуіне не себеп болды? Ұлттық Банк түсіндірді

    Теңгенің әлсіреуіне не себеп болды? Ұлттық Банк түсіндірді

Соңғы уақытта ұлттық валюта бағамының төмендегенін байқап отырмыз. Бұндай серпін неге байланысты? Бұндай серпін неге байланысты? Сыртқы және ішкі нарықтардағы оқиғалар мен олардың теңгенің әлсіреуіне тигізген әсері туралы Ұлттық Банктің Монетарлық операциялар департаменті директоры Нұржан Тұрсынханов айтып берді, деп хабарлайды Stan.kz ақпарат агенттігі.  

"Мұнай нарығындағы тұрақсыздық пен рубльге жасалған айтарлықтай қысым – теңгенің әлсіреуіне себеп болды. 7 сәуірдегі биржалық сауда-саттықта ұлттық валюта кешегі сауда-саттықтың орташа бағамынан 0,37%-ға әлсіреп, бір доллар үшін 430,80 – 430,85 теңге аралығында саудаланады. 30 наурыз – 7 сәуір аралығындағы кезеңде ұлттық валютаның айырбастау бағамы 6,8 теңгеге немесе 1,6%-ға төмендеді", - дейді Нұржан Тұрсынханов.

 
Айтуынша, Қазақстан валютасының әлсіреуі – негізгі факторлардың бірі – мұнай бағасы мен Ресей рублінің серпіні саналатын сыртқы және ішкі факторлардың ықпалы аясында орын алып отыр.

"Өткен аптаның басынан бері Брент сұрыпты мұнай бағасы 4,1%-ға төмендеді. Бірқатар Еуропа елдеріндегі карантиндік шектеулер күшейіп тұрған тұста мұнай нарығындағы ұсыныстың сұраныстан әлеуетті асуына байланысты теңгерімсіздік тәуекелдері әлі де болса сақталып отыр. Германияда, Австрияда және Францияда күрделі эпидемиологиялық жағдай қалыптасты, онда ауруханаға жатқызылғандар саны күрт өсіп кетті. 

Альянсқа қатысушы елдер алдағы 3 ай ішінде өндіру квотасын тәулігіне 1,15 млн баррельге ұлғайту туралы шешім қабылдаған 1 сәуірдегі отырыс қорытындысы бойынша ОПЕК+ шешімінен кейін  мұнайдың құбылмалылығы үдей түсті. Сонымен қоса, Сауд Арабиясы мұнай өндіруді тәулігіне 1 млн баррельге ерікті түрде қысқартудан бас тартты. Нарыққа ұсынысты кейіннен ұлғайта отырып, Ираннан санкцияларды әлеуетті алып тастау және АҚШ-тың тақтатас секторындағы бұрғылау қондырғылары санының өсуі де мұнай бағасын белгілеуге қысым көрсетіп отыр", - дейді ол. 

Сондай-ақ, Нұржан Тұрсынханов импорт бойынша басты сауда әріптес – Ресей рублінің геосаяси, санкциялық тәуекелдер және шетелдік инвесторлардың рубльдік облигациялардан бас тартуы аясында айырбастау бағамының күрт әлсіреуі – теңгеге жасалған қысымның қосымша факторы екенін атап өтті.

"Рубль өткен жылдың қарашасынан бастап алғаш рет бір доллар үшін 78 рубльден асып, дамушы елдердің валюталары арасында нашар серпінін көрсетті. Рубльдің айтарлықтай әлсіреуі соңғы күндері Украинаның оңтүстік шығысындағы жағдайдың шиеленісуі аясында болды. Нәтижесінде, өткен аптаның басынан бастап Ресей рублінің бағамы 3%-ға дерлік төмендеді. Сонымен қатар, РФ Қаржы министрлігі бюджет қағидалары аясында валюталарды сатып алу көлемін биыл ең жоғары көлемге дейін ұлғайтады. 7 сәуірден 7 мамырға дейінгі кезеңде бюджет қағидалары бойынша валюта сатып алуға 185,7 миллиард рубль бағыттау жоспарланып отыр, бұл – 2,4 миллиард АҚШ долларына тең. 

Дамушы елдердің валюталары АҚШ МБҚ кірістілігінің өсуіне және эпидемиологиялық ахуалдың нашарлауы төңірегіндегі белгісіздіктің күшеюіне байланысты қысымның ықпалында қалды", - деді маман.

Сыртқы факторлармен бірге теңге бағамына қысым жасауға ықпал ететін ішкі факторлар да бар, дейді Нұржан Тұрсынханов.

"Іскерлік белсенділік индексінің көрсеткіші  2020 жылдың басынан бері алғаш рет 50 шегінен асып, наурызда 50,6 болып оң көрсеткішке өтті. Іскерлік белсенділіктің қалпына келуі кәсіпорындардың операциялық және инвестициялық қызметі аясында шетел валютасына сұраныстың өсуіне ықпал етеді", - деп атап өтті ол. 




Көрілген: 254    Пікірлер: 0

сәрсенбі, 07.04.2021, 16:42

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31