Ел жаңалықтары

«Томирис Байсафаны өлтірді деген күдіктіні Қазақстанда соттау керек»: Адвокат ел билігіне үндеу жолдады

  • «Томирис Байсафаны өлтірді деген күдіктіні Қазақстанда соттау керек»: Адвокат ел билігіне үндеу жолдады

    «Томирис Байсафаны өлтірді деген күдіктіні Қазақстанда соттау керек»: Адвокат ел билігіне үндеу жолдады

Томирис Байсафаның өліміне кінәлі басты күдіктіні оның отаны Ресейде емес, Қазақстанда соттау керек. Қаза тапқан студенттің анасының адвокаты қазақстандық билікке осындай үндеу жолдады. Евгений Яворскийдің айтуынша, әділ үкімге тек осылай қол жеткізуге болады, деп хабарлайды КТК арнасы.

 
«Бұл сот ісінің Қазақстанда жүргізілуін, біздің тергеудің араласуын сұраймын және талап етемін. Қазақстан азаматы қаза тапты, біздің мемлекет әрбір азаматты, атап айтқанда Байсафа, Жанна Ахметованың ісі бойынша қорғауды қамтамасыз етуі керек. Кез келген азамат мемлекеттің оны қорғайтынын түсінуі тиіс. Бұл нақты қорғаныс көрінетін жағдайда ғана мүмкін», - дейді адвокат Евгений Яворский.
Қорғаушының айтуынша, бұл үшін ештеңені өзгертудің қажеті жоқ. Барлық қажет норма Қазақстан заңнамасында жазылған. Басты күдіктіге халықаралық іздеу жариялау жеткілікті. Егер оны қолға түсіру қиын болса, қазақстандық сот үкімді сыртынан шығара алады.

Муртузали Меджидов Мәскеуде қаза тапқан жерлесіміз Томиристің курстасы, марқұммен жақын қарым-қатынаста болған. Меджидов – бай баласы, әкесі Дағыстан үкіметінің бұрынғы басшысы, бизнесмен және қоғам қайраткері. Байсафаның отбасы осы кісінің ықпалынан сот әділ шешім шығармайды деген сенімде. Өйткені жазда Мәскеу соты Меджидовті толық ақтап алғаны да есте. Бірақ бір ай бұрын зардап шегуші тарап Никулин сотына қайта шағым жасап, ақтау туралы үкімнің күшін жойды. Жаңа тыңдау күні әлі белгіленген жоқ.

Ресейлік тергеушілер қыз Мәскеу мемлекеттік халықаралық қатынастар институтының терезесінен құлап кетті деген қорытындыға келген. Қорғаушылар мұнымен келіспейді, олар Қазақстанда объективті тергеу жүргізуге шақырады. Шетелде азаматтарымызды қорғау қажеттілігін Парламент депутаттары да қажет деп санайды.

«Егер қазақстандық тарап үкіммен келіспесе, әділдіктің жоқтығын сезсе, мемлекет қандай жағдай болмасын әрбір азаматын қорғауға тиіс. Әрине, бұл халықаралық заңнамаға, біздің заңнамаға сәйкес келуі керек, ешкімнің құқығы бұзылмауы қажет. Бірақ мемлекет өз азаматтарын қай елде болса да қорғағаны дұрыс тәсіл деп санаймын», - деді Мәжіліс депутаты Ерлан Смайылов.




Көрілген: 571    Пікірлер: 0

сәрсенбі, 01.12.2021, 09:54

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31