ҰБТ нәтижесі: 215 талапкер тест тапсыру мүмкіндігінен айырылды

20 маусым 2022, 15:42

Республика бойынша негізгі ҰБТ-ға 2️90 мыңға жуық өтініш келіп түсті, деп хабарлайды Stan.kz ақпарат агенттігі. 

ҰБТ-ның аралық нәтижесімен таныстырған Ұлттық тестілеу орталығының директоры Руслан Емелбаевтың айтуынша, тыйым салынған заттарды алып өту әрекеті салдарынан тестілеуден өту мүмкіндігінен 2️1️5️ талапкер айырылды.

Сонымен қатар екі аптаның ішінде 1️70 мың рет тест тапсырылды. Тестілеу кезінде ережелерді бұзғаны үшін аудиториядан 1️9️9 адам шығарылып, олардың нәтижелері жойылды.


Қазақстанда ҰБТ-да 139 балл алған екі талапкердің нәтижелері жойылды


"Оның ішінде: 6️7️% талапкерлер шекті балл жинады, 6️6️ балл - орташа балл. 5️2️5️ ерекше білім беру қажеттілігі бар бала қатысты", - дейді ол.

Орталық директоры талапкерлер ҰБТ аяқталғаннан кейін 30 минут ішінде апелляцияға өтініш бере алатынын еске салды.