Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Үйінің ауласына «сора» есірткісін еккен әйел анықталды

06 қазан 2022, 15:35

«Қарасора-2022» жедел-профилактикалық іс-шарасы барысында Мақтаарал аудандық полиция бөлімінің қызметкерлері, есірткі затын өсіру, баптау, тасымалдаумен айналысушаларды анықтау, жолын кесу мақсатында жан-жақты тексеру жұмыстарын жүргізуде. Осы аралықта полицияға мақтааралдық тұрғынның бірі өз ауласына есірткі өсіретіндігі туралы хабарлама келіп түсті.
Аталған жайтты тәртіп сақшылары ҚР ҚК-нің 300-бабы «Құрамында есірткі заттар бар, өсіруге тыйым салынған өсімдіктерді заңсыз егіп өсіру» бойынша тіркеуге алды. Ақпаратты растау негізінде Түркістан облысы ПД-нің әуеге ұшатын камерасы (дрон) алдырылды. Аталмыш құрылғымен Мақтаарал ауданына қарасты елдімекендер мен «Сырдария» өзенінің жағалаулары, тоғайлы және егістік алқаптарында тексеру жұмыстары тыңғылықты жүргізілді. Соның нәтижесінде полицейлер ауласында есірткі егілген үйді анықтады. Күдікті орта жастағы әйелдің ауласына тінту жүргізу барысында, 3 түп есірткіге ұқсас өсімдік айғақты зат ретінде алып, сараптамаға жолданды. Нәтижесінде алынған зат «сора» есірткісі болып шықты. Қазіргі таңда сезікті жалғызбасты әйелге қатысты сотқа дейінгі тергеу амалдары жүргізілуде. Түркістан облысының полицейлері тұрғындарын заңға қайшы әрекеттер, қылмыстық құқық бұзушылықтар жасамауға, тек салауатты өмір салтын ұстануға шақырады.


Түркістан облысы ПД баспасөз қызметі