Алматтың әзілдері

11 желтоқсан 2013, 12:24

– Еліміздегі білім сапасы қашан жоғарылайды?
– Профессорлар лекцияға – джиппен, ал студенттер автобус-троллейбуспен келетін болғанда. Керісінше, емес.

***
«Денсаулық» бағдарламасынан ағзаға қауіпті азық-түліктердің тізімін көрдім. Құдай сақтасын, сонда апам мені бала кезімде өлтірмекші болған ба?!

***
Қаламдастардың әңгімесінен:
– Шығармашылық бәйгеден тағы өте алмадым.
– Өлең беріп пе едің?
– Иә.
– Өлең емес, төлем беруің керек еді.

***
– Сіз неліктен күйеуіңізбен ажырасқалы жатырсыз?
– Екеуміздің діни көзқарастарымыз бір-бірімізге қайшы.
– Нақтырақ айтсаңыз...
– Ол мені әйел-құдай ретінде мойындағысы кел­мейді!