Көлік салығын 1-сәуірге дейін төлеңіз

13 наурыз 2023, 10:10

2022 жылға жеке тұлғалардың көлік құралдарына салынатын салықты 1 сәуірге дейін төлеу керек, - деп хабарлайды Alashainasy.kz. Бұл туралы Іnbusiness.kz тілшісі Мемлекеттік кірістер комитетіне сілтеме жасап жазды.

Көлік құралдарына салынатын салықтың сомасын kgd.gov.kz web-порталындағы калькулятор көмегімен немесе "e-Salyq Azamat" мобильді қосымшасында дербес есептеуге болады.

 

Сонымен бірге, салық органдарымен есептелген салықтың сомалары мобильді қосымшалар арқылы PUSH-хабарлама түрінде наурыз айында жіберілетін болады.

 

Есептелген салық сомаларын "e-Salyq Azamat" мобильді қосымшасының "Электронды сервистер"→"ЖТ және ЖК алдағы төлемдерді төлеу қызметі" сервисінде, сондай-ақ kaspi.kz мобильді қосымшасы арқылы көруге болады.