Алматы облысында «Крис-П» радары іске қосылды

28 желтоқсан 2022, 16:47

Тәртіп сақшылары үш тағанды құрылғыны апат санын азайту үшін орнатқан, - деп хабарлайды Alashainasy.kz тілшісі Кolesa.kz-ке сілтеме жасап.

Жергілікті полиция департаменті 25 желтоқсаннан бастап апат жиі болатын жол бөліктеріне жылдамдық өлшейтін аспап қойғанын хабарлады.

 

Қазір олар Құлжа және Алматы — Бішкек тас жолында жұмыс істеп тұр.

 

Мобильді кешенді жол апатын азайту үшін қайта орнатыпты.

 

 

Алты жыл бұрын су жаңа камера алған полициейлер сол кезде «Крис-П» көлік жылдамдығын өлшеп қана қоймай, айыппұл төлемегендерді де анықтайтынын айтқан. Одан бөлек деректер базасында жалған нөмірлер мен іздеуде жүрген машиналар туралы мәлімет бар екен.

 

Биыл қазан айында президент сынынан кейін Жетісу облысының билігі үш тағанды құрылғы барын еске түсіріп еді. Қазір өңір аумағы арқылы өтетін Алматы — Өскемен тас жолында жол қозғалысын камера қадағалайды.

 

ҚР ІІМ бұйрығына сәйкес елді мекен ішінде жылжымалы радар қолдануға тыйым салынған.