Аспан асты елінде саудасы қызып жатқан үшінші буындағы Haval H6 Қазақстанға қарашада келген, - деп хабарлайды Alashainasy.kz тілшісі Кolesa.kz-ке сілтеме жасап.
Көліктің Comfort комплектациясындағы ең арзан нұсқасы 13.4 млн теңге тұрады.
Салоны матамен қапталған, орындық механикалық жолмен реттеледі, артқы көрініс айнасы, экраны 10.25 дюймдік аудиожүйесі бар.
Алдыңғы жетекті машина 150 ат күшіне ие (230 Нм) 1.5 литрлік мотормен жүреді.
Агрегат 7 сатылы роботпен жұмыс істейді.
Машина Қазақстаннан Ресейге параллель импорт арқылы басқа бағада жеткізіліп жатыр. Қазір көлік құны 3 млн рубльге (21 млн теңге) дейін барады.