Рестайлингтен өткен Lada Vesta автосалонға шығатын болды, - деп хабарлайды Alashainasy.kz тілшісі Кolesa.kz-ке сілтеме жасап.
«Лада.Онлайн» берген мәлімет бойынша АВТОВАЗ өндіріс тоқтағанға дейін жасалған көліктердің бір партиясын жуырда ресми сатушыларға жібереді.
Кәсіпкерлер 800-дей Vesta алады деген болжам бар. Седан және универсал шанақты көліктер арасында атауында Cross қосымшасы бар түрленім де кездеседі. Ресейде Lada-ның үш жүзге жуық ресми өкілі барын ескерсек, әр дилерге Comfort+ және Luxe класты 2-3 машинадан тиеді деген сөз.
Сонымен қатар автосалондарға бұл көліктерді Тольяттидегі басшылардың рұқсатынсыз БАҚ өкілдері мен блогерлерге тест-драйв өткізу үшін беруге тыйым салыныпты.