Қытай басшылары мінетін лимузин

24 қаңтар 2023, 16:50

Қытайдағы ең көне автоөндіруші бензинді V12-нің жаңа буыны жасалып жатқанын хабарлады. Алты литрлік мотор Hongqi маркасының толық өлшемді седандарына қойылады, бұл брендтің автомобильдерін аталған елдің басшылары мінеді, - деп хабарлайды Alashainasy.kz тілшісі Кolesa.kz-ке сілтеме жасап.

Жаңа мотор Hongqi гаммасында бұрыннан бар қозғалтқышқа негізделген. 408 ат күшіне (550 Нм) ие агрегат L сериялы седандарға және сол сияқты ең қымбат модельдерге қойылған.

 

 

Жаңарғаннан кейін қозғалтқыш қуаты екі есеге жуық артты — 762 ат күші мен 1100 Нм. Концерн моторды өз күшімен жасағанын әрі құрлымында ешқандай шетелдік компонент жоқ екенін айтады.

 

Болашақта жаңа V12 жаңа гибрид күштік құрылымға негіз болады. Жергілікті БАҚ бұл мотор былтыр күзде сынақтан өткен Hongqi L5 седанының жаңа буынына орнатылады деп болжап отыр. Лимузин биыл жарық көреді.

 

Бензинді моторды белсене дамытып жатқанымен, Hongqi электромобиль бағытын да естен шығарған жоқ. Біраз уақыт бұрын марка батареялы машина жасаумен айналысатын New Energy деп аталатын жеке бөлімше құрған. Ал өткен аптада Hongqi марканың алғашқы электрлі моделі болуы мүмкін кроссовер суретін жариялады.

 

 

E202 индексімен белгілі толық өлшемді SUV 800 вольтты жаңа платформада жасалады. Ол аккумуляторды 5 минутта 300 км жол жүруге жетерліктей қуаттауға мүмкіндік береді. Марка Hongqi E202-ні үздік «автопилотпен» жабдықтайды және бүйірлік айна орнына камера орнатады. Батареялы кроссовер 2023 жылдың екінші жартысында нарыққа шығады.