Toyota Қазақстанда бәсекелестікке шыдай алмайды - СІМ

22 желтоқсан 2022, 18:14

Қазақстанда Toyota көліктерінің өндірісі тым қымбатқа түседі. Сондықтан бәсекелестікке шыдай алмайды. Мұны Сыртқы істер министрінің орынбасары Алмас Айдаров айтты, деп хабарлайды Экспресс К.

Оның айтуынша, жапон көлігі Қытай және Кореяның модельдерімен бәсекелесе алмайды.


Біздің нарықта бәсекеге төтеп бере алмайды. Олардың Ресейде осындай зауыттары болды. Әлі күнге дейін барлық Toyota жеткізілімдері ресейлік автокөлік өнеркәсібінен әкелініп жатыр. Toyota Ресейдегі өндірісін толығымен тоқтатпаса да, осылай жалғасады, -дейді Алмас Айдаров.


Оның айтуынша, бұл көлік моделінің өзіндік құны өте жоғары. Қазақстан нарығы мұны көтере алмайды. Сондықтан Қазақстанда Toyota зауытын ашудың мәнісі жоқ деп отыр.


Бізде Kia, Hyundai, JAC және басқалармен жақсы келіссөздер жүргізілуде. Бізде нарыққа жеткілікті көлік бар. Брендтердің келуінің бәрі Қазақстан үшін тиімді деп айта беруге келмес, -дейді СІМ өкілі.