Жаңалықтар

Арман алға жетелейді

  • Арман алға жетелейді

    Арман алға жетелейді

«Арман адамға қанат бітіреді»,- деп, дана халқымыз тегін айтпаған. Менің де бала күнгі арманым, ақ халатты дәрігер атанып, науқастарды емдеу болды. Әрі еліміздің медицинасын дамытуға үлесімді қосып, барынша адал қызмет ету де менің арманым еді. Халқымыздың дені сау болуына өз үлесімізді қосып, көп адамның батасын алу, сондай-ақ болашақта беделді дәрігер деген маман иесі атануды осы жолды таңдаған әрбір медицина қызметкері армандайды. Алға мақсат қойсаң, арман орындалады екен.


Елімізде енгізілген төтенше жағдай кезінде мен Қазақстан мемлекетінің азаматы ретінде, әрі антына адал медицина қызметкері болғандықтан, өз үлесімді қоскым келді. Әріптестеріммен бірге, яғни, Отан соғысы мүгедектеріне арналған Республикалық клиникалық госпитальдің бас дәрігері Даулетбаев Дамир Абайділдаұлының басқаруымен бір жағадан бас, бір жеңнен қол шығарып, бір кісідей атсалыстық.

Жұмыс барысында ауа өткізбейтін арнайы киімді киіп, сонымен ұзақ уақыт жүру, оның ішінде тыныс алуымыздың қиындығы, дәрігерлерге науқастарды қарап тексеру, өкпе, жүрек аускультациясы, медперсоналга керекті манипуляцияларды орындау (тамыр, бұлшық ет ішіне дәрі егу), шұғыл жағдайлар болған кезде басқа дәрігерлердің кеңесін алу қиындық тудырғаны рас. Бірақ, жұмыла көтерген жүк жеңіл,- демекші, бәрін де ақылға салып, барынша дұрыс орындадық деп ойлаймын. 

Дәрігердің негізгі міндеті де осы емес пе? Сонымен қатар, аурудың алдын алу, ал егер адам ауырған жағдайда ауру өршуіне апармайтын, керісінше сауығып кетуіне жәрдем жасап, жоғары сапалы көмек көрсету бұл да біздің басты міндеттеріміздің бірі саналады. 

Әріптестерімді алдағы кәсіби төл мерекесімен құттықтағым келеді. Дендеріне саулық, отбастарына амандық тілеймін.
Госпитальдің дәрігері Салтанат Толғанбайқызы.
 



Көрілген: 609    Пікірлер: 0

жұма, 12.06.2020, 10:40

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30