Жаңалықтар

Биыл мектептерде қорытынды аттестаттау емтихандары өтпейді - БҒМ

  • Биыл мектептерде қорытынды аттестаттау емтихандары өтпейді - БҒМ

    Биыл мектептерде қорытынды аттестаттау емтихандары өтпейді - БҒМ

Биыл еліміздегі мектептерде қорытынды аттестаттау емтихандары өтпейді, деп хабарлайды Tengrinews.kz тілшісі білім және ғылым министрлігінің баспасөз қызметіне сілтеме жасап.

Қашықтан оқыту жағдайында мектеп бітірушілерді қорытынды аттестаттау пәндер бойынша жылдық бағалары негізінде жүргізіледі. Аттестат пәндер бойынша жылдық бағалар негізінде беріледі. ҰБТ-ны өткізу мерзімдері өзгеріссіз қалады. Мұндай шешімді Білім және ғылым министрлігі қабылдады.

Қазақстанда енгізілген төтенше жағдай мен оқушыларды қашықтан оқыту түріне ауысуына байланысты Білім және ғылым министрлігі 9(10)-сынып оқушылары үшін қорытынды аттестаттау емтихандарын, ал 11(12)-сынып оқушылары үшін мемлекеттік қорытынды аттестаттау емтихандарын өткізбеу туралы шешім қабылдады.

"Біз сараптай келе осындай шешім қабылдадық. Тиісті өзгертулер министрліктің бұйрықтарына енгізілді. Жекелеген емтихандар өткізілмейтін болады. Бұл оқу жетістіктерін қорытынды бағалаудың барынша әділдігін қамтамасыз етеді", - делінген министрліктің баспасөз қызметі таратқан хабарламасында.

Естеріңізге сала кетсек, негізі 9(10)-сынып түлектерінің қорытынды аттестаттауы:

1) ана тілі бойынша жазбаша емтихан (оқыту тілі бойынша) - эссе түріндегі жазбаша жұмыс, гуманитарлық цикл пәндерін тереңдетіп оқытатын мектеп оқушылары үшін мақала/әңгіме/эссе түріндегі жазбаша жұмыс;

2) математикадан (алгебрадан) жазбаша емтихан;

3) оқыту орыс/өзбек/ұйғыр/тәжік тілінде жүргізілетін сыныптарда қазақ тілі мен әдебиетінен жазбаша емтихан және оқыту қазақ тілінде жүргізілетін сыныптарда орыс тілі мен әдебиеті пәнінен жазбаша емтихан;

4) таңдау пәні бойынша (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатикадан жазбаша емтихан ретінде өткізілетін.

11 (12) сынып оқушылары үшін қорытынды аттестаттау:

1) ана тілі мен әдебиеті бойынша жазбаша емтихан (оқыту тілі бойынша) эссе түрінде;

2) орыс/өзбек/ұйғыр/тәжік тілінде оқытатын мектептерде қазақ тілі бойынша тестілеу және қазақ тілінде оқытатын мектептерде орыс тілі бойынша тестілеу;

3) алгебра және талдау негіздері бойынша жазбаша емтихан;

4) Қазақстан тарихы бойынша ауызша;

5) таңдау пәні бойынша тестілеу (физика, химия, биология, география, геометрия, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатикадан тестілеу түрінде жоспарланатын.

Айта кетерлігі, қазіргі уақытта Ұлттық бірыңғай тестілеуді өткізу мерзімі өзгеріссіз қалып отыр. Түлектер Ұлттық тестілеу орталығының сайтында орналастырылған сынама тесттерін тегін пайдалана алады. Әр пән бойынша тестілеудің 70 бірегей нұсқасы ұсынылып отыр.

Естеріңізге сала кетейік, 2017 жылдан бері ҰБТ нәтижелері ЖОО түсуге және білім гранттарын иеленуге, ал қорытынды аттестаттау емтихандарының нәтижесі аттестат алу үшін қажет.

Tengrinews.kz




Көрілген: 405    Пікірлер: 0

сенбі, 11.04.2020, 09:41

Достарыңмен бөліс:

2
  • СОҢҒЫ ЖАРИЯЛАНЫМДАР:
    1 Маусым, 15:52
    Балаларға базарлық!
    23 Сәуір, 15:14
    Жеңіс күні

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30