Жаңалықтар

"Қатаң шара қабылдаймыз". Аймағамбетов білім басқарма басшыларына ескерту жасады

  • https://bilimdinews.kz/

    https://bilimdinews.kz/

Білім және ғылым министрлігі оқу жылының басынан білім және ғылым саласында сапаны қамтамасыз ету комитетіне 70-ке жуық өтініш келіп түскенін хабарлады деп жазады qamshy.kz тілшісі.

 

Сонымен қатар білім және ғылым министрі Асхат Аймағамбетов министрліктің аппарат жиналысында әлі де өте көп шағымдар келіп жатқанын айтты.

 

– Әр шағым бойынша тиісті шаралар қабылданып жатыр. Қызметінен босату, тәртіптік жауапкершілікке тарту жұмыстары жалғасады. Мұғалім тек балаларға сабақ беру керек. Басқа жұмыстарға араласуға тыйым салынады. Қағазбастылықтан арылу жұмыстары  да жалғасады. Бұл мәселе менің назарымда болады. Ең бірінші біз білім басқарламаларынан бастауымыз керек. Тағы да ескертемін егер заң бұзылатын болса, қатаң шара қабылдайтын боламыз, – деді министр. 

 

Аймағамбетов айтқан шағымдардың көпшілігі білім министрлігінің ресми сайтында жарияланды.

 

Мәселен, Түркістан облысында балабақша тәрбиешісі қызметінен заңсыз босатылған. Алайда әкімдіктің білім басқармасы оның құқығын қалпына келтіру бойынша шаралар қабылдамаған. Білім саласында сапаны қамтамасыз ету жөніндегі аумақтық департаменті қызметкерлерінің араласуынан кейін ғана тәрбиеші бұрынғы жұмысына қайтып оралды.

 

Атырау облысында педагогикалық этика ережелерін бұзғаны үшін Қ. Ахмедияров атындағы орта мектептің мұғалімі жұмысынан босатылған болатын.

 

Алматы облысында департамент қызметкерлері мұғалімнің өтінішінен кейін шаралар қабылдады. Өтініште мұғалім білім беру ұйымдарында ақша жинау және оларға тән емес функцияларға тарту фактілері туралы хабарлаған. Мәселе қаралғаннан кейін Текелі қаласындағы №6 орта мектебінің директорын қызметінен босату туралы шешім қабылданып, осыған ұқсас фактілер расталды. Сонымен қатар Текелі қаласы әкімдігінің білім бөлімі басшысының м.а. тәртіптік жауапкершілікке тарту ұсынылды.

 

Педагогтердің құқықтары мен заңды мүдделерінің ең көп бұзылуы Түркістан және Алматы облыстарында байқалады.

 

Сондай-ақ әлеуметтік желілерде иммунизациялау шаралары бойынша тізім жасау туралы құжат жарияланды. Мұндай ақпаратты жинау жөніндегі бұйрық БҒМ-мен қарастырылмаған. Аудандық білім бөлімінің басшысы тәртіптік жауапкершілікке тартылды.

 

Айта кетейік, Білім және ғылым министрінің тапсырмасы бойынша әр облыста педагогикалық әдеп жөніндегі комиссиялар құрылды, олар педагогтердің құқықтарын бұзу бойынша өтініштер мен фактілерді жедел қарайды.

 

 




Көрілген: 795    Пікірлер: 0

сейсенбі, 14.09.2021, 19:23

Достарыңмен бөліс:





  • СОҢҒЫ ЖАРИЯЛАНЫМДАР:
    24 Қыркүйек, 17:13
    Табиғаттың өзі емші!
    8 Қыркүйек, 17:27
    Жолдауға қолдау

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30