Жаңалықтар

Қазақстанда сырттай оқудың орнына жаңа жүйе енгізілмек

  • © rvs.su

    © rvs.su

Сырттай бөлімге енді бұдан былай студенттер қабылданбайды, деп хабарлайды «Хабар 24».


Ал арнаулы білімі барлар оқуды қалай жалғастырады? Ол үшін қанша ақы төлейді және емтиханды қалай тапсырады?


Интернет арқылы онлайн режимде емтихан тапсыру енді өткеннің еншісінде. Бүгіннен бастап еліміздегі жоғары оқу орындары сырттай оқуға ешкімді қабылдамайды. Өйткені олар білім алу кезінде күндізгі оқу бағдарламасының тек 65 процентін ғана меңгереді.


Ал бұл өте аз. Сондықтан Білім және ғылым министрлігі осындай қадам арқылы мамандардың сапасын көтермек.


Марат Башимов, еуропалық құқық және адам құқығы жөніндегі сараптамалық институттың директоры:


– Егер қолында дипломы бар маман жауапты қызметке келіп, қате шешім қабылдаса, ол адам өміріне қауіпті болуы мүмкін. Ұстаз болсын, инженер болсын айырмашылығы жоқ. Егер ол өз міндетін жетік білмесе, қоғамның дамуына кері әсер етеді.


Дегенмен сырттай оқудың баламасы ретінде «part time» жүйесі қарастырылып жатыр. Оның ерекшелігі, оқу кестесі студенттің ыңғайына қарай қойылады. Мәселен, жұмыстан кейін немесе демалыс күндері. Мұндай жағдай таңнан кешке дейін қолы босамайтындар үшін қолайлы болмақ.


Асхат Аймағамбетов, ҚР Білім және ғылым министрінің орынбасары:


– Part-time институты білім беру саласына өте қажет. Сол үшін құқықтық актілері дайындалып жатыр. Осы бағдарлама бойынша оқығысы келетіндер қатары да артуда. Мұндағы басты талап, студенттер мемлекеттік бағдарламада көрсетілген 100 процент білімнің 65 пайызын ғана емес, толықтай меңгеруі тиіс. Екіншіден қашықтықтан оқыту жүйесін қолға аламыз.


Бәсекелестігі жоғары әрі нарық заманында өмір сүрген адам тек дипломымен ғана бағаланбайды. Сұранысқа сай маман болу үшін біліміңнің жетік болуы маңызды.


Ал сол білімді беретін университтеттердің деңгейі енді түлеп ұшқан шәкірттерімен өлшенеді. Өйткені бүгінде қысқа мерзімді оқу бағдарламаларын бітірген адамның өзі университет түлегінің алдын орап кететіні жасырын емес. Мәселен, тіл мектептері мен бухгалтерлік курстарды айтуға болады.


Сергей Пен, М.Нәрікбаев атындағы ҚАЗМЗУ жоғары құқық мектебінің директоры:


– Қолында IELTS немес TOEFL сертификаты бар адамның шет тілін меңгергеніне ешкім шүбә келтірмейді. Бірақ бұл сертификаттарды жоғарғы оқу орны емес, осы бағдарламаны құрастырған Британдық кеңес береді. Яғни қандай да бір жұмысқа орналасу үшін міндетті түрде диплом керек емес. Бастысы сенің білімнің жеткілікті екенін дәлелдейтін құжат болса жетіп жатыр. Бұл – жоғарғы оқу орындары үшін үлкен бәсекелестік.


Сондай-ақ оқу төлемақысының көлемі мен білім қызметтерін көрсету шартының формасын енді жоғары оқу орындары өздері бекітеді. Ал қай семестрде қанша сабақ оқу керектігін студенттің өзі таңдайды. Яғни ұзақ оқыса, оқу ақысын да көп төлейді. Ерте аяқтаймын десе, өз еркінде.


Ал биылға дейін сырттай оқуға түсіп үлгергендер диплом алғанға дейін бұрынғы жүйемен оқуын жалғастыра алады.


 


 




Көрілген: 807    Пікірлер: 0

сәрсенбі, 02.01.2019, 17:51

Достарыңмен бөліс:

  • СОҢҒЫ ЖАРИЯЛАНЫМДАР:
    1 Сәуір, 10:35
    Жыл басы – Наурыз
    13 Ақпан, 15:34
    Жырлайды жүрек
    17 Қаңтар, 19:01
    Шығыстың қос шыңы

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31