Кореяда батареямен жұмыс істейтін теледидар шықты

15 желтоқсан 2021, 17:00

LG электр желісіне қосылмастан жұмыс істейтін StanbyME теледидарын таныстырды. Бұл туралы Stan.kz ақпарат агенттігі Lenta.ru-ға сілтеме жасап хабарлайды.

Жаңа StanbyME моделінің IPS-диагоналі 27-дюймді. Экран сүйеуішке орнатылған. Сүйеуіштің биіктігі мен иілу деңгейін өзгертуге болады. Сондай-ақ, құрылғыны бөлме ішінде дөңгелегі арқылы жылжытуға болады. Дисплейді ажыратып алып, қолда ұстап отыру мүмкіндігі тағы бар. 

Аппарат электр жүйесіне қосылмастан, батареямен жұмыс істейді. Оны кореялық корпорация жасап шығарды.


Бір рет зарядталған теледидар үш сағатқа жуық жұмыс істейді. Құрылғыға Smart TV функциясы қосылған. Сол арқылы StanbyME Netflix, Amazon Prime Video мен YouTube контентін көрсете алады. Құрылғының артқы панелінде USB мен HDMI-дің кемі 1 портынан орналасқан.