Жаңалықтар

Қыздар университетінің ректоры тағайындалды

  • © zakon.kz

    © zakon.kz

Қазақ ұлттық қыздар педагогикалық университетінің Басқарма төрағасы – ректоры қызметіне Гүлмира Әмірханқызы Қанай тағайындалды. Оқу орнының жаңа басшысын ұжымға Білім және ғылым министрі Асхат Аймағамбетов таныстырды.

 

Бұл туралы ҚызПУ-дың баспасөз қызметінің жетекшісі Жандар Асан хабарлады.

 

Ведомство басшысы Гүлмира Әмірханқызына 80 жылға жуық тарихы бар университетті дамыту жолындағы жұмысына сәттілік тіледі.

 

Өздеріңіз білетіндей, ел Президенті жастарды мемлекетті басқару ісіне тарту мәселесіне көп көңіл бөледі. Біз Мемлекет басшысының саясатын, соның ішінде білім беру жүйесіне жаңа көшбасшыларды тарту бойынша жұмыстарды жалғастырып келеміз. Жаңа көшбасшылар – өз елін, жерін сүйетін патриоттардан құралған жас ұрпақ. Көбінің халықаралық тәжірибесі бар, олар – кәсіби ортада кеңінен танымал және маман ретінде қалыптасқан тұлғалар. Тек соңғы бірнеше айдың ішінде еліміздегі жетекші жоғары оқу орындарының басшылары болып әлеуеті зор, тәжірибесі мол көшбасшылар тағайындалды.  Соның бірі – Гүлмира Әмірханқызы. Жас көшбасшылар өз білімі мен тәжірибесін еліміздің гүлденуі жолында пайдаланып, еңбек үлестерін қосады деп ойлаймыз. Олардың әрқайсысына үлкен үміт артылып отыр, – деді Асхат Аймағамбетов.

 

Айта кетейік, Гүлмира Әмірханқызы Қанай 1986 жылғы 12 қаңтарда Жамбыл облысының Тараз қаласында дүниеге келген.

 

2007 жылы Абылай хан атындағы Қазақ халықаралық қатынастар және әлем тілдері университетінің бакалавриатын «Лингвист: ағылшын тілі мұғалімі» мамандығы бойынша үздік бағамен тәмамдаған.

 

2009 жылы аталған жоғары оқу орнының магистратурасын «Аударма ісі» мамандығы бойынша үздік бағамен бітірген.

 

Гүлмира Қанай – Халықаралық «Болашақ» бағдарламасының түлегі.

 

2011 жылы Ұлыбританияның Ворвик университетінің магистратурасын «Білім беру саласындағы басқару» мамандығы бойынша, 2019 жылы Кембридж Университеті Білім беру факультетінің докторантурасын үздік тәмамдаған.

 

Ғылыми дәрежесі – PhD.

 

Еңбек жолын 2007 жылы Абылай хан атындағы Қазақ халықаралық қатынастар және әлем тілдері университетінің оқытушысы қызметінен бастаған.

 

2011-2012 жылдары аралығында Назарбаев Университеті Халықаралық ынтымақтастық департаментінің консультанты;

 

2012-2014 жылдары аралығында Назарбаев Университеті Халықаралық ынтымақтастық департаментінің менеджері;

 

2014-2020 жылдары аралығында Назарбаев Университеті Оқуға қабылдау департаментінің аға менеджері қызметтерін атқарған.

 

2020 жылдың қаңтар айынан бері осы уақытқа дейін Назарбаев Университеті Жоғары білім беру мектебінің Постдокторанты.

 

Гүлмира Әмірханқызының докторлық диссертациясы «Қазақстан мектептеріндегі мұғалімдер көшбасшылығын дамыту» тақырыбын зерттеуге арналған.

 

Бүгінде ол «Қазақстандық мұғалімдердің көшбасшылығы» зерттеу жобасының жетекшісі.

 

Ғылыми зерттеу жұмысының нәтижелері бірнеше халықаралық және отандық ғылыми басылымда жарияланған.

 

Гүлмира Әмірханқызы Қанай Білім беру саласындағы Қазақстан зерттеушілері қауымдастығының (KERA), Білім беру саласындағы АҚШ зерттеушілері қауымдастығының (AERA) мүшесі.

 

 

 

BAQ.KZ




Көрілген: 372    Пікірлер: 0

сәрсенбі, 02.06.2021, 20:01

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31