Жаңалықтар

Министр мұғалімдердің өмірі қалай өзгеретінін айтты

  • © Sputnik / Абзал Калиев.

    © Sputnik / Абзал Калиев.

Мәжіліс депутаттары "Педагог мәртебесі туралы" заң жобасын бірінші оқылымда қарады, деп хабарлайды   Sputnik Қазақстан тілшісі.


Білім және ғылым министрі Асхат Аймағамбетовтың айтуынша, үш жылдан кейін мұғалім қызметіне жаңадан кірісетін мамандар үшін біліктілік тестін енгізу жоспарланып отыр.


"2022 жылы 1 қаңтардан бастап мұғалім ретінде кәсіби қызметін жүзеге асыруға алғаш рет кірісетін тұлғалар педагог біліктілігінің сәйкестігін растауы тиіс. Мұғалімдердің этика мәселелеріне де көңіл аударылуда. Сонымен қатар, педагогикалық жұмысқа жіберілмейтін себептер де кеңейтіліп отыр. Әр білім беру мекемесінде әдеп бойынша кеңестер институты енгізілуде", - деді Аймағамбетов мәжілістің пленарлық отырысында.


Ал материалдық емес ынтыландыру аясында мұғалімдердің балаларына балабақшадан бірінші кезекте орын беру нормасы қарастырылды.


"Бұған қоса, "Қазақстанның еңбек сіңірген ұстазы" мемлекеттік марапатының жаңа түрі сияқты бірқатар материалдық емес стимулдар да қарастырылып отыр. Әскери қызметке шақыруды кейінге қалдыру, ауылдық жерлерде жұмыс істейтін мұғалімдерге үстеме жалақы, денсаулық сақтау, үздік педагог, жоғары оқу орнының үздік педагогы сияқты барлық әлеуметтік кепілдіктер де осы заңда сақталды", - деп атап көрсетті министр.


Айта кетейік, "Педагог мәртебесі туралы" заң жобасы 19 баптан тұрады. Осы құжат жарты миллионнан астам ұстазды қамтиды. Негізгі төрт бағыты:


• Ұстаздардың құқықтарын кеңейту және өзіне тән емес жұмыстан босату, жүктемені азайту;

• Мұғалімнің қызметіне қойылатын талаптарды күшейту;

• Материалдық емес тетіктер;

• Материалдық ынталандыру;


"Мұғалімдердің жүктемесіне қатысты мәселе - шын мәнінде үлкен проблема. Зерттеуге сәйкес, Тәуелсіз мемлекеттер достастығы мен Экономикалық ынтымақтастық және даму ұйымы елдері ішінде қазақстандық мұғалімдердің жүктемесі ең көп болып отыр. Мәселен, Экономикалық ынтымақтастық және даму ұйымына мүше мемлекеттерде 38 сағат болса, бізде 48,8 сағат. Сондықтан бұл норма өте маңызды болып тұр", - дейді білім министрі.


 




Көрілген: 2294    Пікірлер: 0

бейсенбі, 28.11.2019, 11:50

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31