Жаңалықтар

Министр педагогтардың біліктілігін арттыру үшін қандай шаралар қабылданғанын атады

  • Сурет ашық дереккөзден

    Сурет ашық дереккөзден

Еліміздің жоғары оқу орындары педагогикалық қайта даярлау бағдарламаларын әзірлеп жатыр. Бұл жайында Мәжіліс депутаттарының сауалына ҚР Білім және ғылым министрі Асхат Аймағамбетовтің жауабында айтылған, деп хабарлайды ҚазАқпарат тілшісі.

 

«Дарынды жастарды педагогикалық мамандыққа тарту мақсатында мұғалімнің мәртебесін көтеру үшін тиісті жұмыс жалғастырылуда. Педагогикалық бағыт бойынша оқуға түсуге қойылатын талаптар біртіндеп күшейтілуде. Осылай, 2020 жылы оқуға түсу балы 60-тан 70 балға дейін көтерілді, арнайы емтихан мазмұны өзектендірілді. Педагогикалық жоғары оқу орындарында (бұдан әрі - ЖОО) оқитын студенттердің стипендиясы ұлғайтылды (26 186-нан 42 000 теңгеге дейін). Мектеп мұғалімдерінің еңбекақысы өсті. Мектеп оқушылары арасында кәсіптік бағдар беру жұмысын жүргізу үшін ЖОО-лар білім басқармаларымен, мектептермен өзара іс-қимыл жасайды», - деді министр.

 

Оның атап өтуінше, қазіргі уақытта барлық білім беру бағдарламалары Педагогтің кәсіби стандартына және жұмыс берушілердің талаптарына сәйкес жаңартылды. Бұл ретте, педагогикалық практикаға арналған Әдістемелік ұсыныстар жасалынған және оқытудың барлық кезеңінде практиканы ұйымдастыруды көздейтін үздіксіз практикалық оқыту жүйесі енгізілді.

 

2018 жылдан бастап педагогті аттестаттау рәсімдерінің жаңа форматы енгізілді. Осыған байланысты министрлік нормативтік-құқықтық құжаттарға өзгерістер енгізу бойынша жұмыс жүргізді. Оған сәйкес 2021 жылдан бастап педагогикалық ЖОО-лардың түлектері үшін Ұлттық біліктілік тестілеуінен міндетті өту нормасы енгізілді.

 

Аталған шара түлектердің құзыреттілігін растауға және білім беру ұйымдарын білікті жас мамандармен қамтамасыз етуге мүмкіндік береді.

 

«Тәжірибе алмасу аясында ЖОО оқытушыларының жаппай ашық онлайн курстарын әзірлеп, білім беру платформаларына орналастыруға мүмкіндіктері бар. Сонымен қатар, ЖОО-лар мектептермен бірлесіп өзара тәжірибемен алмасу және студенттерге инновациялық педагогикалық технологиялар мен әдістерді тиімді оқыту мақсатымен консорциум құрды. Қазіргі уақытта ЖОО-лар педагогикалық қайта даярлау бағдарламаларын әзірлеу бойынша жұмыс жүргізуде. Осы бағытта министрлік ЖОО-ларға педагогикалық-психологиялық дайындықты күшейту үшін педагогикалық қайта даярлау бағдарламаларының мазмұнын өзгертіп, оқу нәтижелерін түзетуді ұсынды», - деді Асхат Аймағамбетов.

 

Сонымен қатар министр жас мамандарды мектеп жұмысына ынталандыру үшін шетелдік ЖОО-ларды, «Болашақ» бағдарламасын, ағылшын тілінде пәндерді оқыту құқығымен бітірушілер, сондай-ақ Президенттік кадр резервіне кірген адамдар үшін «педагог-модератор» біліктілік санатын берудің жеңілдетілген тәртібі енгізілгенін атап өтеді.

 

«Осылайша, министрлік педагогикалық білім беру сапасын арттыру және мектептерді жоғары білікті мұғалімдермен қамтамасыз ету бойынша жүйелі, кешенді жұмысты жүзеге асыруда», - деді ол.

 

 

 




Көрілген: 441    Пікірлер: 0

сейсенбі, 09.03.2021, 11:32

Достарыңмен бөліс:



  • СОҢҒЫ ЖАРИЯЛАНЫМДАР:
    29 Наурыз, 16:06
    Тарихи күн

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31