Жаңалықтар

Отандық ЖОО-ға 300-ден астам білім беру бағдарламасы енгізілді

  • Отандық ЖОО-ға 300-ден астам білім беру бағдарламасы енгізілді

    Отандық ЖОО-ға 300-ден астам білім беру бағдарламасы енгізілді

Оқу жылының басынан бері қазақстандық жоғары оқу орындарында 300-ден астам жаңа білім беру бағдарламасы енгізілді. Олар еңбек нарығындағы заманауи сұраныстар мен жұмыс берушілердің мамандарға қоятын талаптарына сәйкес бейімделіп әзірленген.
БҒМ баспасөз қызметінің мәліметінше, жаңа оқу бағдарламалары бойынша болашақ инженерлерді, құрылысшылар мен педагогтерді, менеджерлерді, экономистер мен заңгерлерді және басқа да мамандарды оқытады. Мәселен, «Ядролық медицина», «Smart City технологиялары», «Математикалық экономика, статистика және деректерді талдау», «Білім берудегі физика», «Ғылыми тарих», «New media», «Тау-кен ісіндегі 3D модельдеу инженері», «Наноматериалдар және нанотехнологиялар» мен басқа да жаңа бағдарламалар бойынша.

Бұдан басқа IT-мамандарға деген сұраныстың артуына байланысты ақпараттық-коммуникациялық технологиялар (АКТ) саласында да жаңа білім беру бағдарламалары енгізілді. Жаңа оқу жылынан бастап университеттер «Big Data Analysis» (ауқымды деректерді талдау), «Жасанды интеллект технологиясы», «Криптология», «IT-құқық», «Digital Engineering», «Робототехникалық жүйелер», «Data Science», «Киберфизикалық жүйелер», «Роботтандырылған пилотсыз ұшу аппараттары», «IT-менеджмент», «Цифрлық экономика» сияқты бағдарламалар бойынша мыңдаған болашақ бағдарламашыны оқытады.

Айта кетейік, 2021 жылы АКТ саласындағы мамандарды даярлауға 10 мыңға жуық грант бөлінді, бұл - 2018 жылмен салыстырғанда екі есе көп.

Соңғы жылдары Қазақстанның еңбек нарығында IT-мамандарға сұраныстың күрт өсуі байқалады. Бүгінгі таңда ақпараттық технологиялар өмірдің барлық саласына енгізілген. Жоғары оқу орындары мамандарға қойылатын қазіргі талаптарға сәйкес келетін білім беру бағдарламаларын әзірледі. Білім беру бағдарламаларын енгізу барысында жоғары оқу орындары жұмыс берушілердің пікірлері мен сұраныстарын ескерді. Мысалы, жұмыс берушілер ақпараттық жүйелерді қорғау бойынша кадрлар даярлау қажеттілігі туралы хабарлады. Жаңа бағдарламалардың басты артықшылығы — олар еңбек нарығында қажет практикалық білім алуға бағытталған. IT бағыты бойынша көп жаңа бағдарлама бар. Мәселен, IT-құқық, IT-медицина, - деді БҒМ Жоғары және жоғары оқу орнынан кейінгі білім департаментінің директоры Әділет Тойбаев.
Сонымен қатар ЖОО IT-компаниялармен - болашақ жұмыс берушілерімен ынтымақтастық орнатуда. Дуалды оқыту белсенді түрде енгізіліп жатыр, студенттер оқу уақытының 40%-ын кәсіпорындарда өткізеді. Өз кезегінде студенттер жаңа білім беру бағдарламаларына оң баға беріп, оларды әзірлеу кезінде практикалық білімге баса назар аударылғанын атап өтті.

Айта кетейік, барлық жаңа білім беру бағдарламасы жоғары және жоғары оқу орнынан кейінгі білім беру бағдарламаларының тізіліміне енгізілген.

Естеріңізге сала кетейік, бұған дейін БҒМ қазақстандық жоғары оқу орындарының білім беру қызметіне қойылатын талаптарды өзгерткен болатын. Жаңашылдықтар мамандықтарға байланысты енгізіліп, жоғары білімнің тәжірибемен ұштасуын күшейтуге бағытталған. Жоғары оқу орындары жұмысқа тәжірибелі мамандарды тартуға мүмкіндік алды.

  Baq.kz




Көрілген: 270    Пікірлер: 0

сәрсенбі, 13.10.2021, 17:02

Достарыңмен бөліс:





  • СОҢҒЫ ЖАРИЯЛАНЫМДАР:
    23 Қазан, 00:34
    Ұстаз мерейі
    24 Қыркүйек, 17:13
    Табиғаттың өзі емші!

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31