Жаңалықтар

Павлодарда сыныптың жөндеу жұмыстарына ақша жинауға қатысты ата-аналар арасында дау туды

  • https://bilimdinews.kz/

    https://bilimdinews.kz/

Павлодарда ата-аналар сыныпты жөндеу жұмыстарына, - деп ақша жинамақ болған. Бұған қарсылары да табылып, оның заңға қайшы екенін алға тартқан. Тіпті жемқорлыққа қарсы қызмет өкілдеріне шағым түсіріпті. Ақша жинауға кім бұйрық берді? Мектеп басшылығының қатысы бар ма?

 

Павлодарлық Вячеслав Литовчинконың №9 гимназияда екі бірдей баласы оқиды. Бірі 5-ші, екіншісі 1-сыныпты бітірді. Бірақ, оқу жылы аяқталысымен, ата-аналар ватсап желісінде сынып бөлмесін жөндеу жұмыстарына ақша жинау туралы әңгіме көтерген. Артынша мағанда 3 мың теңге тапсыруымды талап етті дейді ол.

 

Вячеслав ЛИТОВЧИНКО, АТА-АНА:

 

- Біз мүлдем ақша тапсырмадық. Олар бізге 1 жыл бойы біздің есебімізден оқып, енді ақша тапсырғыларың келмейді. Ұяттарың жоқ - деп қоқан-лоққы жасады. Сосын мен бұның заңсыз екенін айтып, құзырлы органдарға шағымданатынымды жеткіздім. Сосын олар мені топтан шығырып жіберді.

 

Ақша тапсырмадың деп жеккөрінішті болған ол, енді балаларын басқа мектепке ауыстыруды ұйғарып отыр. Өйткені, бұл бірінші жағдай емес, бұған дейін де сыныпқа қажетті құралдар алу керек ата-аналар ақша жинаған, деді. Ал ата-аналар комитеті жөндеу жұмыстарына мүлдем ақша жинамағандарын айтып ақталды.

 

Анжела ВЕЛЮЦЕНКО, АТА-АНАЛАР КОМИТЕТІНІҢ МҮШЕСІ:

 

- Мен бұл мәселені мүлдем түсінбедім. Бізде жөндеу жұмыстарына ақша жинау деген болған емес. Ешкім ешкімнен ақша талап етпеді. Бұл іске мектептің де, мұғалімнің де еш қатысы жоқ.

 

Мектеп басшылығы да мұндай бұйрық болмағанын жеткізді. Ватсап желісіндегі ата-аналардың тобынан хабарсыз екендерін де айтады.

 

Светлана ЗАВАЛЬНАЯ, МЕКТЕП ДИРЕКТОРЫ:

 

- Біздегі басты проблема ата-аналардың мектеп чатынан бөлек жеке чат ашып алғанында болып тұр. Өйткені онда мектептен не мұғалім, не әкімшілік өкілдері кірмейді. Тек ата-аналар өздері ғана отырады екен. Онда біз не болып жатқаны білмейміз. Өйткені, бізді қоспаған. Сондықтан, біз ештеңе білмедік.

 

Мәселеге жемқорлыққа қарсы қызмет өкілдері араласты. Құзырлы мамандар оқу ордасының ата-аналар комитетімен кездесіп, ақша жинау заңсыз екенін тағы бір ескертті.

 

Ардақ БАЛҒОЖИН, СЫБАЙЛАС ЖЕМҚОРЛЫҚҚА ҚАРСЫ АГЕНТТІКТІҢ ПАВЛОДАР ОБЛЫСЫ БОЙЫНША ДЕПАРТАМЕНТІ БАСШЫСЫНЫҢ БІРІНШІ ОРЫНБАСАРЫ:

 

- Ата-аналар бұлай ақша жинауды жемқорлық деп ойламауы да мүмкін. Бірақ, бұл тұрмыстық жемқорлыққа жатады. Сондықтан, бұл жемқорлықтың басы. Яғни, әр нәрсе кішкентайынан басталаны секілді қазірден балаларға мәселені ақшамен шешуге болады деген түсінік қалыптастырып алуымыз мүмкін. Сондықтан, әр ата-ана бұның жемқорлық екенін түсінуі керек.

 

Мектеп басшылығы да алдағы уақытта ата-аналарға түсіндіру жұмыстарын жүргізуді жоспарлап қойды.

 

Дейтұрғанмен жемқорлыққа қарсы қызмет өкілдері тексеру жұмыстарын бастап кетті. Ата-аналардан заңсыз ақша жинаған тұлғаны анықтап, оны жауапгершілікке тартпақшы.

 

 

astanatv.kz




Көрілген: 289    Пікірлер: 0

сәрсенбі, 10.06.2020, 09:01

Достарыңмен бөліс:

  • СОҢҒЫ ЖАРИЯЛАНЫМДАР:
    27 Қыркүйек, 00:14
    БАЛАНЫҢ КӨЗІНШЕ...

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30