Жаңалықтар

Вице-министр төртінші тоқсанда қандай өзгеріс енгізілетінін түсіндірді

  • © Sputnik / Абзал Калиев

    © Sputnik / Абзал Калиев

Қазақстанда 1 сәуірде мектептерде төртінші тоқсан басталады. Оқушылар саны 300-ге дейінгі мектептер штаттық режимде оқиды. Ол жерде бала саны 25 адамнан аспауы қажет. Бұл туралы білім және ғылым вице-министрі Шолпан Каринова мәлімдеді, деп хабарлайды Sputnik Қазақстан тілшісі.

 

"Төртінші тоқсанда енгізілген өзгеріс – коронавирустың таралуы бойынша "жасыл" және "сары" аймақта тұрған өңірлерде аралас оқыту форматы ұсынылатын болады. Сонымен қатар бұл жағдайда қатаң санитарлық талаптар сақталуы қажет. Білім басқармалары және әрбір мектеп әкімшілігі талаптарды сақтау бойынша толық жұмысты ұйымдастыруы қажет", - деді Каринова.

 

Сондай-ақ, әлеуметтік арақашықтық пен оқушы, мұғалімнің жеке гигиенасын сақтау мәселесіне басымдық беріледі.

 

"Оқушылардың науқастанып қалған жағдайда немесе науқаспен қарым-қатынаста болған жағдайда қашықтан оқу мүмкіндігі сақталады. Мектеп асханаларының жұмыс істеуі жергілікті санитар дәрігерлермен бірлесіп шешіледі. Әр мектеп өз мүмкіндіктеріне (кабинет саны, мектептің ерекшелігі т.б) байланысты қай сабақты қашықтан, қай сабақты штаттық режимде оқытуды өзі шешеді", - деді вице-министр.

 

Оның сөзінше, негізгі пәндерді мектепке келіп оқыту, ал ән-күй, сызу, еңбекке баулу, құқық негіздері, кәсіпкерлікке қатысты пәндерді қашықтан оқытуға болатыны туралы ұстанымдар берілді.

 

"Әрбір сыныпта 15 баладан аспауға тиіс. Сабақ ұзақтығы 40 минутқа созылады. Бірнеше өңір "қызыл" аймақта тұр. Ол жақта 1-5 сыныптар, 9, 11 сыныптар аралас форматта оқиды. Басқа сыныптар қашықтан оқу форматында білім алады", - деді ол.

 

Ал кезекші сыныпта оқитын балаларға мектепке таза, ұқыпты киіммен келу қарастырылған.

 

 

 

 




Көрілген: 385    Пікірлер: 0

сейсенбі, 30.03.2021, 21:46

Достарыңмен бөліс:



  • СОҢҒЫ ЖАРИЯЛАНЫМДАР:
    29 Наурыз, 16:06
    Тарихи күн

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31