Бірлік

Қазақтарға алғысымыз шексіз

Алексей ЦЕХОВОЙ, Белорус ұлтының өкілі:

– Әрбір жылғы 1 мамыр – ынтымақ күні – мен үшін аса маңызды мереке. Ста­лин үстемдік құрып тұрған жылдары әкем өз еркінсіз Қазақстанға қоныс аударған-ды. Ал мен 1941 жылы, яғни Ұлы Отан соғысы басталған кездері қазіргі Астана қаласында дүниеге келдім. Ұлтым белорус болса да, мен Қазақстанды өз елім деп санаймын. Біз негізі көп балалы отбасы болдық. Мен ең кенжесі, яғни сегізінші бала­мын. Әкем: «Қазақтардың бауырмал, ақ көңіл мінездерінің арқасында біз аш-жала­ңаш қалмадық. Олар бізді құшақ жая қарсы алды», – деп ризашылықпен тебі­рене еске алушы еді. Әсіресе Асыл­хан деген қарияның көрсеткен жақсы­лығын аңыз сияқты аузынан таста­май­тын. Бізді үне­мі қазақ халқының осы ешбір ұлтта кез­десе бермейтін асыл қасиеттерін қадірлеп, бағалауға тәр­бие­леуден жалыққан емес. Кейін ес жия келе өзім де оның куәсі бол­дым. Әлі де жалғасын табуда. Көпшілік шетел­дердегі өзге этностар бізге қызы­ғып қарайды. Олары орынды, әрине. Қазір Қазақстанда 100 мыңдай белорус тұрады. Бір айта кетерлігі, кезінде тари­хи Отанына көшіп кеткендер арасында кері қайтып келіп жатқандар жоқ емес. Бірінші кезекте қазақ халқына рақмет, осындай береке-бірлікті бәрінен биік қойған және Елбасы Н.Назарбаевқа алғысымыз шексіз, ешкім­нің дініне, діліне, түр-түсіне қарамай, бар­лы­­ғы­мызды бір үйдің баласындай ұйытып отыр. Баршаға айтарым, егер біз тату-тәтті өмір сүрсек, елімізді, жерімізді өркендетуге барша болып жұмылсақ, оның ырыздығын болашақ көреді. Ал болашақ – ол біздің балаларымыз, неме­релеріміз. Тәуелсіз Қазақстанның ынты­мақтығы жалғасын тауып, бір үзілмесе екен деп тілеймін!




Асханум ЭЮБОВА, түрік ұлтының өкілі, көп балалы ана:

– Біз Қазақстанға 1944 жылы кезінде КСРО құрамында болған Грузия мемлекеті арқылы келдік. Ол кезде мен бар-жоғы алты жаста едім. Бірақ ес біліп қалған кезім ғой, басымызға түскен барлық қиын­шы­лықтар санамда жатталып қалып­ты. Тарих­тан там-тұм­дап еске түсірсем, Ахыска түріктері Грузияның Ахалцих, Алиген, Адиген, Аспиндз, Ахалкалак және Богданов сияқты оңтүстік және оңтүстік-батыс шека­ралық аудандарынан Орта Азия мен Қазақ­станға күштеп көшірілді. Барлығы шамамен 115,5 адам депор­тацияланған-ды. Негізінен, әйелдер, балалар және қарттар. Өстіп, Қазақстан жеріне біржолата қоныстандық. Қазір менің білуімше, Қазақстанда 150 мыңнан астам түрік тұрады.

Кейінірек қазақ бауырларымыздың арқасында отбасымызбен аяғымыздан тік тұрып кеттік. Қазақтардың жомарт­тығы былай тұрсын, қайырымдылығы шексіз. Әлі есімде, олар бар нанын өздері жемей, бізге берген. Арып-ашып келген бізден қамқорлықтарын аямай, қанаттарының астына алды. Міне, содан бері ширек ғасырдан асты, біз қазақ жерін туған жеріміз санаймыз. Осындай кезді пайдаланып, қазақ халқына алғысымды айтып қалсам ба деймін. Артық айтқандық емес, шынымен де, қазақ –  әлемдегі ең қонақжай, кеңпейіл халық.




Иван ПАК, Қазақстандағы Корейлер қауымдастығы кеңесінің ақсақалы, профессор, техника ғылымының докторы:

– Мен ол кезде сегіз жаста едім. Әлі ұмытқаным жоқ, күз айлары болатын. Колхоздағылар алқаптағы өнімді әлі жинап үлгермеген. Бір күні үлкендер аласұрып, енді біреулер жылап жатты. Әйтеуір бір жамандықты сездім. Бізді пойызға отырғызып, жүк вагонына сегіз отбасынан сыйғызды. Сол пойызбен бізді Астрахань қаласына жеткізді. Ол кезді күн де қатты суып кеткен. Көп ұзамай баржамен Гурьев қаласына жеткізді. Қанша күн жүзіп келгенімізді білмеймін, бірақ көрмеген қиын­ды­ғы­мыз жоқ. Ал Гурьев қаласынан 45 шақы­рым алыс жатқан Сарайчик елді мекеніне жүк көлігімен алып келді.

Осылай біз қалып қойдық. Жергілікті тілден, салт-дәстүрден мүлде хабарсыз бізді қазақ құшақ жая қарсы алды. Шеттетпеді, қайта бауырына басты. Біздің екінші Отаны­мызға айналған Қазақ­стан қолдан келген жақ­сылығын аяған емес. Әлі де солай, тіпті корей­лердің ұрпақтан-ұрпаққа өз болмысын сақтап, оны әрі қарай дамытуға жағдай жасап келеді.

Қазақтардың кеңдігі, жақсы ниеті және этникалық ұлттарды жақын тартуы сол қиын шақта біздің мойымай, еңсе­мізді тіктеуі­мізге ықпал етті. Айта кетер­лігі, қазақ­­тың көптеген әдет-ғұрыптары, салт-санасы корейлердікіне өте ұқсас.




Көрілген: 2903    Пікірлер: 0

сенбі, 28.04.2012, 13:13

Достарыңмен бөліс:

2
  • СОҢҒЫ ЖАРИЯЛАНЫМДАР:
    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31