Бірлік

Мерекеге жалпыхалықтық сипат беріп, қарапайым еңбеккер мейрамы ету үшін қандай үрдістер енгізу керек?

Әзімбай ҒАЛИ, саясаттанушы:

– Бұл күннің ежелден келе жатқан өзіндік тарихы бар. 1 Мамырдың таптық сипаты болғаны әуелден мәлім. Со­дан бері аумалы-төкпелі заман өтіп, саяси жүйелер жаңғырса да, қазіргі таң­да Мамыр мерекесін әртүрлі маз­мұнда әлем­нің 66 мемлекеті тойлайды. Ресей империясында 1890 жылдан бас­тап 1 Мамыр мерекесі аталып келеді. Алайда 1897 жылы бұл мейрамды той­лау­дың арты таптық сипат алып, бұқа­ра­лық бас көтеруге ұласты. Содан бер­гідегі кеңес­тік идеология­ның тегеуріні сондай, дәулетті адам жұмысшы таптың алдын­да қуыстанып жүретін. Әлеуметтік жауап­кершіліктің жүгі басым болатын. Міне, бізге де осы мерекені пайдалана оты­рып ресми түрде арнайы шаралар қабылдаған жөн. Меніңше, осы мереке барысында еліміздегі жұмысшылардың еңбек құқығы ескеріліп, көктемде жаңа­ша жұмыс шарттары жасалып, билік пен бұқара арасындағы байланыс тереңдей түсуі қажет...




Сиязбек МҰҚАШЕВ, Тәуелсіз кәсіподақтар федерациясының президенті:

– Мамыр мерекесін біз «Бірлік-Татулық-Еңбек» мейрамы ретінде атап өтеміз. Мұның өзінде үлкен маңыз бар. Бұл үш ұғымның басын біріктіріп, «келе­шекте бірлігі жарасқан, ынтымағы мығым, еңбекқор ел болсақ» деген ар­ман барлығымызда да бар. Ал бұл арман болашақта мерекені жалпы­ха­лық­тық сипатқа айналдыра алатынына сенім мол. Жалпы мерекені халықтық си­пат­қа айнал­дыру үшін бүгінгі жас­тардың бел­сенділігін арт­тыру қажет. Көкірегі ояу, көзі ашық жас­тардың легі арта­тын бол­са, әрбір шаруаның атқа­­ры­латыны дау­сыз. 1 Мамыр мере­кесі біздің ел­дегі этностарды бұрын­ғы­дан да жақын­­д­ас­ты­ра түсуі тиіс. Міне, осы жауап­кершілікті әрбір қазақ­стан­дық жете сезінгенде мерекенің маңызы да артпақ...




Көрілген: 3439    Пікірлер: 0

сенбі, 28.04.2012, 13:14

Достарыңмен бөліс:

2
  • СОҢҒЫ ЖАРИЯЛАНЫМДАР:
    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31