Бір халық. Бір ел. Бір тағдыр

Бірлікке арналған өнер фестивалі өтеді

  • Бірлікке арналған өнер фестивалі өтеді

    Бірлікке арналған өнер фестивалі өтеді

«Алатау» дәстүрлі өнер театрының ТҮРКСОЙ ұйымымен бірлескен «АЛАТАУ АЛАБЫНДА» халықаралық дәстүрлі өнер фестивалі өтеді.

«Алатау» дәстүрлі өнер театры» Қала күні мерекесіне орай «ТҮРКСОЙ» халықаралық ұйымымен бірлесе отырып дәстүрлі өнер шеберлерінің қатысуымен «АЛАТАУ АЛАБЫНДА» атты халықаралық фестиваль өткізді.

Фестивальдің мақсаты – Елбасы Н. Ә. Назарбаевтың: «Түркі халықтары жаратылысында әрдайым бірге, береке-бірлікте болу үшін жаратылған. Бабаларымыз да бізге осыны мирас еткен. Бірлік – біздің барлық жеңістеріміздің алтын қайнары, ел қорғағанда күш-қуат берер асқақ айбары» деген аталы сөзімен, сондай-ақ түркі әлемінің басын біріктіру идеясымен бір арнаға тоғысқан.

Фестивальдың ерекшелігі: бұған дейін «Алатау» дәстүрлі өнер театрының» ұйымдастыруымен ТҮРКСОЙ ұйымымен бірлескен іс-шара өткізілген емес. Театрдың бастамасымен мың бояулы шаһарымызда күллі түркі әлемінің дәстүрлі өнері сахна төрінде насихатталмақ.

Әлемде жалпы саны 230 миллионнан асатын 40-қа жуық түркі халықтарының ішіндегі ең ірі 14 мемлекет – Қазақстан, Түркия, Әзербайжан, Түрікменстан, Өзбекстан, Қырғызстан, Солтүстік Кипр, Молдова, Татарстан, Башқұртстан, Таулы Алтай, Хакасия, Cаха (Якутия), Тыва елдерінің өнерпаздары 19 қыркүйек сағат 17.00 де Алматы қаласындағы Панфилов көшесін бойлай думанды шеру өткізіп, Жібек Жолы көшесінің бойында (Арбат) әннен шашу шашады.

Фестивальда Қазақстанның әр өңіріне тән дәстүрлі өнер мектептерінің (Батыс Қазақстан, Сыр бойы, Оңтүстік Қазақстан, Жетісу, Арқа, Шығыс Қазақстан) ән, күй, жырлары орындалады. Жаһандану дәуірінде дәстүрлі өнеріміз жат мәдениеттің тасасында қалып, жұтылып кетпеуі үшін ежелден қалыптасқан бұл мектептердің туындыларын халықаралық деңгейде насихаттау аса маңызды.

Фестиваль түйіні ретінде «Алатау» дәстүрлі өнер театрының» Концерт залында, шетел қонақтарының қатысуымен өтетін ән, жыр, күй додасында тарқатылатын болады.

Еркенұр Ерзия




Көрілген: 884    Пікірлер: 0

жұма, 07.09.2018, 12:23

Достарыңмен бөліс:

  • СОҢҒЫ ЖАРИЯЛАНЫМДАР:
    1 Қараша 2018
    Бірлік түбі береке
    19 Қыркүйек 2018
    Достық әні шырқалды...
    17 Қыркүйек 2018
    Туған тілім – тірегім!

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31