Әлімханұлының бапкері чемпиондық белбеу туралы мәлімдеме жасады

19 мамыр 2022, 18:11

Жәнібек Әлімханұлының (11-0, 7 КО) бапкері Джеймс "Бадди" МакГирт қазақстандық боксшының орта салмақтағы WBO белбеуінің "уақытша" чемпионы атағы үшін ұлыбританиялық Дэнни Дигнумға (14-0-1, 8 KO) қарсы кездесудегі жоспарымен бөлісті, - деп хабарлайды Alashainasy.kz тілшісі Vesti.kz-ке сілтеме жасап.

Қазақстандық боксшы бүгін Лас-Вегасқа келгені туралы видеоны әлеуметтік желісіне салды. Ал оның бапкері мәлімдеме жасады.

 

"Біз Лас-Вегастамыз. Біз чемпиондық белбеу үшін келдік", - деді МакГирт.

 

Айта кетейік, бұл кездесу Қазақстан уақытымен 22 мамыр күні өтеді. Қазақстанда тікелей эфирде жекпе-жекті "Хабар" арнасы көрсетеді.