Бокс

Головкин "Канеломен" үшінші жекпе-жек және карьерасын аяқтау туралы айтып берді (видео)

  • Reuters©

    Reuters©

Қазақстандық Геннадий Головкин (38-1-1, 34 КО) DAZN USA арнасына берген сұхбатында карьерасын аяқтау және мексикалық Сауль"Канело" Альвареспен (51-1-2, 35 КО) жекпе-жектің мән-жайын айтып берді.


- Ең жақсы ұсыныс болды деген ойдамын. Дамығымыз келетін бағыт бір, бізді осы біріктіреді. Қазіргі таңда серіктеспіз, мен және менің промоушенім үшін бұл ең жақсы жағдай, DAZN-мен жұмыс істейтініміз оңды болады", - деп атап өтті Головкин.


DAZN-мен келіссөздер жүргізу жайында


- Иә, аздап созылып кетті. Өзге компаниялардан да ұсыныс болғаны жасырын емес. Біз қай бағытта ілгерлегіміз келетінін түсінгіміз келді. Қазір бәрі қалауымызша және дер кезінде болып отыр. Сонқытан ұзақ емес деген ойдамын.


"Канеломен" үшінші жекпе-жек жайлы


- Екеуміз үшін және жалпы адамдар үшін бұл өте маңызды деп ойлаймын. Жанкүйерлер жұдырықтасқанымызды көргісі келеді. Қажет болса, шығуға дайынбыз. Егер адамдар мені басқа қарсыласпен немесе "Канелоны" басқа біреумен жұдырықтасқанын қаласа, солай болады.


Нақты "Канелоға" тоқталсақ, мен бұл жекпе-жекті қаладым. Қарымтада жеңісті оған бергенде, үшіншісін қаладым. Ол бірқатар мәселелерге байланысты болмай қалды. Қазіргі таңда да мен үшінші рет жұдырықтасқым келеді.


"Канеломен" екі жекпе-жектен кейінгі жағдай туралы


- Тең түскенде және менің жеңілгенімді жариялағанда бірдей сезімде болдым. Боксты түсінуімше, екі жекпе-жекте де жеңілген жоқпын. Алайда бұл қызықты кездесулер болды. Үлкен тәжірибе алдым. Бокста қалып, DAZN-мен жұмыс істеуіме, жағдайды өзгертуге болады деген ой себеп болды.


"Канеломен" жекпе-жектегі төрешілер шешімі туралы


- Қазір төрешілер туралы айту қиын. Олар жайлы ойламадым. Бұл өздерінің ұятында қалсын.


Белбеулер мен үздік боксшы атағы жайында


- Барлық белбеуді тағынсаң, ең мықты боксшы екеніңді білдірмейді. Өз дивизионымда, өз ісіме мықты болғым келетін. Ең бастысы сені адамдардың мойындауы.


Карьераны аяқтау уақыты жайлы


- Соңғы жылдары жылына екі жекпе-жектен болды. Сол стратегияны сақтап қалсақ, үш жылға алты жекпе-жек бұл тамаша. Одан кейін де болатын шығар, кім біледі. Нақты айту қиын, 40 жасымда тек промоушеніммен айналысқым келеді. Бұл жаста отбасыңа жауаптысың, өзіңе ғана емес.


Физзикалық қалпы турасында


- Сезімдер басқа, бокс өзгеріп тұрады. Бір бағытта ілгерлесең, екіншісінде ондай емес. Көрсеткіштерім жеті жыл бұрынғыдан кем емес сияқты. Өзімді тамаша сезінемін. Бапкеріме хабарлассаңыздар, ол нақты айтып береді. Келесі аптада жаттығу лагеріне барам, сол жерде тесттен өткізеді. Кейін жауап бергенім жөн шығар.


Салмақ тастау ерекшеліктері жайында


- Мен ондай ірі жігіт емеспін. артық салмақ немесе үлкен бұлшық ет жоқ. Бәрі еңбектенгеніңе байланысты. Салмақ ауыстырсаң, басқаша жаттығу керек болады.


Басқа салмақта жұдырықтасу жайында


- Қолдан келмейтін ештеңе жоқ деп айтуға дағдыланғанмын. 168 немесе 175 фунтта қызықты жекпе-жектер болса, дайынмын.


GGG Promotion шоуында жұдырықтасатын боксшылар туралы


- Боксшылар бар, бірақ, аттарын атағым келмейді. Спекуляциялау жүруі мүмкін, сондықтан үлкен жекпе-жектер ұйымдастыру қиын болады. Болашағымыз туралы қатты айтқым келмейді. Біз дұрыс бағыттамыз. Жігіттерді ілгерлетіп, олармен тәжірибемізбен бөлісе аламыз деген ойдамын.


GGG Promotions жоспарлары жайлы


- Промоушенімізді дамыту жолы бар. Том біздің промоушенде болғанын қалаймын. Әлі оның рөлін нақтыламадық. Оның тәжірибесі мен істеген еңбегін бағлаймын. Білімді адам екеніне көзім жетті. Келісеміз.


DAZN мен HBO айырмашылығы турасында


- HBO уақытында не болғанын бокс сүйер қауымның көбі біледі. Қаншалықты шектеулі болғанын. Үлкен жекпе-жектер көрсету қиын еді. Қарапайым көрермен үшін қымбат. DAZN-де бәрі жеңіл болады. Ешқандай PPV жоқ. 





kaz.vesti.kz




Көрілген: 553    Пікірлер: 0

дүйсенбі, 18.03.2019, 20:02

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30