Қазақстандық боксшы ӘЧ-де қарсыласын есеңгіретті

20 қаңтар 2023, 18:30

54 келіде өнер көрсететін Нұрсұлтан Алтынбек Бангкокта өтіп жатқан Азия чемпионатының жартылай финалына өтті, - деп хабарлайды Alashainasy.kz тілшісі Vesti.kz-ке сілтеме жасап.

Ширек финалдық айқаста қазақ боксшының қарсыласы малазиялық Ахмад Шахар Мухаммад Имдад болды.  Нұрсұлтан бұл кездесуді айқын басымдықпен жеңді, оның үстіне үшінші раундта қарсыласын нокдаунға түсірді.

 

Осылайша, қазақстандық боксшы жартылай финлға жолдама алып, кемі қола жүлдеге ілігіп отыр.

 

Мұның алдында Санжар Тәшкенбай (48 келі) жартылай финалға жолдама алған болатын. Ал Даниял Сәбит (51) таиландтық Саенгфет Танаратқа есе жіберді.