Өркениет

Абай 175 жыл: Алматыдағы Абай ескерткішіне гүл шоқтары қойылды

  • Абай 175 жыл: Алматыдағы Абай ескерткішіне гүл шоқтары қойылды

    Абай 175 жыл: Алматыдағы Абай ескерткішіне гүл шоқтары қойылды

Қазақтың Ұлы ақыны Абай Құнанбаевтың 175 жылдық мерейтойы мен қала күніне орай Франция еліндегі қандастарымыз Алматыдағы Абай ескерткішіне гүл шоқтарын қойды, - деп хабарлайды Sn.kz.

Франциядан арнайы келген қазақ қызы Төребаева Жанар Әскербекқызы елге деген сағынышы мен Ұлы ақынға деген шексіз құрметін жеткізді.

 «Ренн қаласында аты жоқ көше мүлде қалмапты. Сіздерге бақша берсек қалай қарайсыздар деді. Бізді апарып көрсетті, осы бақшаны берсек, фонтанф бар, Алматыға ұқсап кетті. Тіпті қуанып кеттік. Себебі бақша шынымен керемет. Ауасы сондай таза жерде орналасқан. Осыған Алматы қаласы деп ат берейік деді», &ndash деді Францияның бас дәрігерлер комитетінің кеңесшісі, Ренн-Алматы бауырлас қалалар комитетінің төрайымы Жанар Төребаева.

Жанар Әскербекқызының Францияға көшкеніне 20 жылдан асқан. Білім-ғылым іздеп кеткен қазақ қызы қазір сол елдің жоғары дәрежелі дәрігері. Денсаулық саласындағы еңбегінен бөлек Жанар Төребаева екі елдің арасына көпір болып, мәдениет саласына өзіндік үлесін қосып жүр. Ол Ренн-Алматы қалалары арасындағы бауырмашылық қатынасты нығайту үшін 2011 жылы Алматыға арнап көше беру мәселесін көтереді.

Міне осылайша Франциядан «Алматы» саябағы пайда болады. Артынша Жанар Төребаева саябаққа ұлы ақын Абайдың ескерткішін орнатуды армандап, оны іске асыруды қолға алады. Осы мәселемен қыруар жұмыс атқарылып, жергілікті билікпен бірнеше жыл келіссөздер жүргізіледі. Нәтижесінде Ренн қаласында 2016 жылы шайырдың бюсті бой көтереді.

Елге жолы түскен дәрігер Ренн қаласының атынан Абайдың 175 жылдығына орай, әрі қала күнін ескере отырып бүгін Алматыдағы Абай ескерткішіне гүл-шоқтарын қойып, рухына тағзым етті.
«Абай ата дегенде оның атын шығарып, өзінің де жақсы аты бар адам көп қызмет етті. Ескерткішін қойған кезде басқа мемлекет болғаннан кейін көп қиыншылықтар болды», &ndash деді Жанар Төребаеваның әкесі Әскербек Төребаев.

«Екі қаланың атқаратын жұмыстары орасан зор. Естіп жатқан шығарсыздар Алматы бағының ашылғаны, оған Абайдың мүсіні қойылғаны, Абайдың қара сөздері француз тіліне аударылғаны оның бәрі атқарылған шаруалар. Ал алда атқарылар шаруалар одан да көп», &ndash деді ардагер-журналист, Ренн-Алматы бауырлас қалалар комитетінің құрметті мүшесі Гүлмәрия Барманбекова.

Туған жерден жырақта жүрсе де елдің қамын ойлап, Алматының әлемге танылуына айтулы үлес қосып жүрген қазақ қызы Жанар Төребаеваға, елеулі еңбегі үшін биыл «Мәдениет саласының үздігі» төсбелгісі табысталды.




Көрілген: 468    Пікірлер: 0

дүйсенбі, 05.10.2020, 12:21

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30