Өркениет

Алтынай Жорабаева: Көрген зорлығымның бәрін айтсам, ол жер бетінде ешкімнің бетіне қарай алмайтын еді

  • Алтынай Жорабаева: Көрген зорлығымның бәрін айтсам, ол жер бетінде ешкімнің бетіне қарай алмайтын еді

    Алтынай Жорабаева: Көрген зорлығымның бәрін айтсам, ол жер бетінде ешкімнің бетіне қарай алмайтын еді

Белгілі әнші Алтынай Жорабаева «Отбасылық-тұрмыстық зорлық-зомбылыққа қарсы іс-қимыл туралы» заң жобасына қатысты белсенді түрде ойын айтып жүр. Оның пікірінше, бізге мұндай заңның керегі жоқ. Неге? Бұл жайында әншінің өзінен сұрадық.

- Алтынай, соңғы кезде «Отбасылық-тұрмыстық зорлық-зомбылыққа қарсы іс-қимыл туралы» заң жобасына қарсы екеніңізді ашық білдіріп жүрсіз. Мұндай заң керек емес деп ойлайсыз ба?

- Заң жобасы туралы Инстаграмдағы парақшамда үнемі айтып жүрмін. Әрине, керек емес. Өзіңіз де жобаның тармақтары мен баптарын шолып шыққан боларсыз. Гендерлік теңдікті насихаттау деген сөз біржынысты неке мен транссексуалдардың құқын көтеру емес пе? Олар осыны желеу етіп отыр. Мұнда ер азамат пен әйелдің құқы туралы сөз жоқ.


Тағы бір мәселе - бала құқығы. Қазір көп мектепте ата-анасы қанша табыс табады, үйі қанша шаршы метр, қандай жиһаз бар, жеке басқа қатысты мәліметті сұратады. Мұның бәрі психологиялық қысым. Бізге бұл керек пе? Әрине, біз және біздің қоғам зорлық-зомбылыққа қарсы. Ол үшін жазаға тартатын «Қылмыстық кодекс» бар ғой. Сол кодекстің баптарын қатаңдатса жетіп жатыр емес пе?

Мына заң жобасын президент Қ.Тоқаевтың өзі асықпай, қайтадан қарау керек екенін айтты. Шын мәнінде, заңның астарына үңілсек, ЛГБТ-ны насихаттаудың құлағы қылтияды. Ол ол ма, қазір жыныс ауыстыруға да рұқсат берді. Оның не керегі бар? Өткенде ғана «Хабар» арнасы трансгендер туралы ашықтан-ашық жарнама жасап отыр. Бағдарламаға қатысқан имам да, басқасы да «Мынауың не?» деген жоқ.

- Дегенмен, қоғамда көбінесе әйелдердің зорлық-зомбылық көретіні жасырын емес. Әсіресе, ауылды жерде тұратын әйелдер...

- Жасырын емес. Мұның бәрін білемін. Зорлық-зомбылыққа әу бастан қарсымын. Бірақ Ішкі істер министрлігі «Қылмыстық кодексті» негізге алып, осындай еркектерге қатаң шара қолдану керек. Керек болса, қамап тастасын. Ал бізде тек ескерту беріп кетеді. Бізге қайдағы бір педофильдің жазған заңы керек емес. Одан да қолданыстағы кодексті қатаңдату керек.

- Бұған дейін журналистерге берген сұхбаттарыңызда бұрынғы күйеуіңіздің тарапынан зорлық көргеніңізді айтқан едіңіз. Осы тұрғыдан алғанда заң жобасын қолдай ма деп ойлап едік...

- Бұл туралы ашық айтқан жоқпын. Анна Данченко деген журналист концертіңізді түсірсек деп, осындай қулыққа барды. Яғни, рейтинг үшін алдап соғып, солай шығарған.

- Бірақ өміріңізде сондай сәттер болды ғой...

- Болды. Бірақ оның бәрін не үшін айтуым керек? Қазір Сәбиттің басқа отбасы бар. Егер қазір түгел айтсам, ол жер бетінде ешкімнің бетіне қарай алмаушы еді.

- Мемлекет қалай әрекет етуі керек?

- Тағы қайталап айтамын, сол үшін «Қылмыстық кодексті» қатаңдатып, әрбір зорлық жасаушы тиісті жазасын тартуы керек. Қоғамды осыған күш салуға шақырамын. Ал жаңа заң жобасы әншейін соның атын жамылып отыр.

Қазір «буллинг» деген термин шықты. Буллинг - агрессия арқылы адамның өзгені қорлауы, үстем екенін көрсетуі. Буллинг жасаушы мұны күшпен де, сөзбен кемсіту арқылы білдіреді. Тіпті, біржынысты некеде тұратындарға бірдеңе десең, жазаға тартылуыңыз мүмкін. Міне, заң жасақтаушы топ осыны кіргізе алмай, жанталасып жатыр. Біз содан кейін қарсы шықтық.

- «Немолчи.кз» ұйымына неге қарсысыз?

- «Немолчи.кз» ауылдағы әйелдерге көмектесеміз дейді де, ашық түрде ЛГБТ-ны насихаттап отыр. Мәселен, заң қабылданбай жатып, «111» желісі іске қосылғалы бері балаларын ала алмай отырған қаншама ата-ана бар. Ресейде де сол жағдай. Олардың блогерлері, әншілері заңға қарсылығын танытып еді, қабылдамай қойды. Мен де «осы мәселені көтеріңдерші» деп, журналистер мен әншілерге зар қақсап айтсам да, ешкім елемейді. Кімнен қорқып отыр? Халық - күш. Егер бәріміз бірауыздан қарсы болсақ, билік ештеңе істей алмайды. Заң жобасына қарсы екенімді әншілерден мен ғана шырылдап айтып жүрмін. Өзім үшін емес, ауылдағы жағдайы төмен, зорлық-зомбылық көріп жатқан әйелдер үшін жаным ауырып жатқанын ешкім түсінбейді. Олар ертеңгі күні бекерден-бекер құрбан болайын деп тұр. Осы мәселені айтып, атымды шығарып қалайын деген ой да жоқ.

- Пікіріңізге рахмет.

kznews.kz




Көрілген: 2734    Пікірлер: 0

сенбі, 20.02.2021, 02:56

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30