Өркениет

Амангелді Сейітханды еске алуға арналған республикалық жарыс өтті

  • Амангелді Сейітханды еске алуға арналған республикалық жарыс өтті

    Амангелді Сейітханды еске алуға арналған республикалық жарыс өтті

Нұр-Сұлтанда  бильярдтан белгілі спорт журналисі, комментатор Амангелді Сейітханды еске алуға арналған республикалық жарыс ұйымдастырылды, деп хабарлайды orda.kz.

Тастаяқ турниріне журналистер мен қоғам белсенділерінен құралған 12 команда қатысып, Тараздан келген комнда жеңіске жетті. Тараздықтар финалда Алатау командасынан басым түсті. Ал үздік үштікті ұлттық арна түйіндеді.

Әйгілі комментатор Амангелді Сейітхан футбол десе ішкен асын жерге қоятын. Жас журналистермен футбол ойнап тұратын.  

Әріптес ағасы Қайнар Олжай кейінгі кездері Амангелдінің бильярдқа әуестеніп жүргенін еске алды.

— Амангелдіден алатын, жасаған тәлімі – адам өзін тәрбиелеп өзінің уақытын бағалауы, өзін бағалауы. Бильярд ойнайтын, бірақ таңнан түнге дейін, түннен таңға дейін еш уақытта ойнаған емес. Екі-үш сағат ойнап, содан кейін рақметін айтып, сыпайы күліп кетіп қалатын,- дейді Қазақстанның еңбек сіңірген қайраткері Қайнар Олжай.

 Белгілі спорт комментаторының ұлы Бекасыл Амангелдіұлы де әкесі туралы айта кетті.

— Менің әкем негізінде қазақтың баласы болды. Оның ішінде қазақ спортының дамуына өзінің үлкен үлесін қосқысы келді, бұл өмірдегі арманы. Сондай спорттың қызығушылығын арттыру үшін, алдымен, ең бірінші өзін қызықтырды және де одан кейін халықты қызықтырғысы келді, -дейді Бекасыл.

Дана Нұржігіт осындай журналистерге арналған шаралардың көптік етпейтіндігін айтып өтті.

— Аманымыздың балалары аман болсын, артында қалған ұрпағы аман болсын деймін. Оны көрермен үнемі іздейді. Сөздің парқын түсінетін, қазақы айтысқа енжар қарамайтын халық іздейді. Сондықтан іздеушісі бар есім. Үнемі біздің жадымызда болуы керек. Ал оның ең басты шарты дәл осындай шараларды өткізіп, достарымызды, дүниеден ерте озған әріптестерімізді осылай қазақ тарихына алтын әріппен жазылуына әсерлі дүние жасап, игі шара ұйымдастыру деп ойлаймын,- деп қосты ҚР Сенат депутаты Дана Нұржігіт.

Шараға жиналған марқұмның ізбасарлары мен үзеңгілес достары оны сағына еске алды. Олар алдағы уақытта оның атындағы футзалдан турнир ұйымдастырып, үздік спорт тілшілеріне арналған жүлде тағайындалса деген тілек білдірді.




Көрілген: 485    Пікірлер: 0

жексенбі, 10.10.2021, 20:48

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30