Өркениет

"Асабалар ақшасыз, жұмыссыз отыр". Асабалар мен өнер адамдары той өткізуге рұқсат сұрады

  • "Асабалар ақшасыз, жұмыссыз отыр". Асабалар мен өнер адамдары той өткізуге рұқсат сұрады

Қазақтың тойы бітпесін! Еліміздегі той ұйымдастырушылар мен асабалар осындай ұранмен наразылық білдіріп жатыр. Екі жарым ай бұрын енгізілген төтенше жағдай режимінің алғашқы күнінен-ақ салтанатты шараларға тыйым салынып, мерекелік кештерден мол табыс тауып жүргендер сонысынан қағылған болатын. Қазір де карантин тәртібі жеңілдегеніне қарамастан, той өткізуге шектеу қойылғаны белгілі. Енді асабалар мен өнер адамдары 100-150 адамдық той өткізуге рұқсат берілуін сұрап отыр.  Көптен бері айтылмай қалған той жыры туралы КТК арнасының тілшісі Салтанат Шырынхан әңгімеледі.

 

«Той десе, қу басы домалайтын» қазақ қазір мұндай думаннан шет қалды. Ал оны ұйымдастырып, барлық сән-салтанатымен жүргізіп беретіндер табысынан қағылып отыр. Осындай шаралармен ғана күн көріп келген олар той болатын күнді күте-күте, тағаты таусылып, шыдамы шегіне жеткенін айтады. Соның бірі – танымал шоумен Руслан Ысқақ. Ол табыстан қағылып, қызметкерлеріне жалақы бере алмай қалған. Тіпті екі айдан бері кеңсесінің жалға алу ақысын да әлі төлемепті. «Жұрт көп жиналатын бассейнге дейін ашылып жатқанда, адамдардың қуанышын жұртпен бөлісуге неге рұқсат жоқ?» - дейді Руслан.

- Бассейн, фитнестерді ашайын деп жатыр. Бассейнде жүрген адам тыр-жалаңаш жүреді ғой. Жалаңаш адамға коронавирус қонбайды деген қай жақта жазылған? Бетпердемен ешкім шомылмайды. Жалпы, адам тойға барғанда тап-таза болып барады. Адам барын киіп, тазалық сақтап барады. Базарда жүр, әне, тер-тер адамдар. Базарда қандай тазалық бар, айтыңызшы маған?! Базарды ашты, барлық жерді ашты. Енді тоқалдан туған сияқты, бүкіл өнер адамдары сонда адам емес пе? - дейді шоумен Руслан Ысқақ. 

Бұл орталықта жыл сайын жаз айында жұмыс қыз-қыз қайнайтын. Той иелерімен салтанатты шараны қалай өткізу жайын ақылдасып отыратын кеңсе қазір қаңырап тұр. Енді ұйымдастырушылар мен асабалар той жасауға рұқсат берілсе, барлық санитарлық талапты сақтайтынын айтады.

Еліміздегі той ұйымдастырушылар, асабалар мен әншілер, жалпы барлық өнер иелерінің базынасы бір. Айтуларынша, әлем бойынша тапқанын тойға шашып, дүркіретіп думан жасайтын халық біз ғана. Оның үстіне той – асабалар мен әншілердің ғана емес, басқа да қаншама адамның күнкөріс көзі. «Бүгінге дейін тек осы саланың саңлағына айналдық» дегендер өзге жұмысқа орналасу оңай емесін жасырмайды.

- Екі-үш ай болды алдын ала төленген ақшаны қайтарып беріп жатырмыз. Қазіргі той иелері тойларын басқа күнге қойып емес, жалпы бас тартып жатыр. Себебі, ақша бітті дейді. Біздің асабалар да дәл солай екі-үш ай болды, ақшасыз, жұмыссыз отыр, - дейді асаба Бауыржан Сұлтанов.

Бетпердемен той жүргізіп, ән айтуға дайынбыз дегендерге мамандардың берер нақты жауабы болмады. Себебі, қалада коронавирустың таралу қаупі әлі де тоқтамай тұр. Сондықтан бұл жағдайда асығыстық танытпау керек дейді.

- Күнде науқастар саны көбейіп жатыр. Сондықтан эпидемиологиялық жағдай күнде өзгеріп жатыр деп айта аламын. Эпидемиологиялық жағдай тұрақталған кезде ғана 7 күннің ішінде, сонда тойханаға, кафелерге жұмыс істеуге рұқсат береміз. Ол кезде де бір себеп бар, 50 орыннан аспау керек, үстелдердің арасында екі метрдей қашықтық болу керек, - деді Алматы қаласы тауарлар мен көрсетілетін қызмет сапасын бақылау департаменті әкімшілік ұйымдастыру бөлімінің басшысы Эльмира Омарова. 

 

Осылайша нағыз тойдың қызатын шағында кәсіптерінің тұралап қалғанына қапалылар базынасына мардымды жауап ала алмады. Бірақ қалай да түйткілді шешуге барынша күш саламыз деп отыр.




Көрілген: 782    Пікірлер: 0

жұма, 05.06.2020, 23:45

Достарыңмен бөліс:

  • СОҢҒЫ ЖАРИЯЛАНЫМДАР:
    15 Маусым, 00:38
    Неге сонша бүліндік?

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31