Өркениет

"Ауырғанын білдірмеді": Болат Назарбаевтың әйелі өмірден өтті

  • "Ауырғанын білдірмеді": Болат Назарбаевтың әйелі өмірден өтті

 Елбасының інісі Болат Назарбавтың әйелі Назарбаева Гүлжан Әбішкеліні қайтыс болды. Қаралы хабар жайлы "Айша" қоғамдық қорының жетекшісі Айша хажы Әбішкеліні желіде жазды деп хабарлайды KAZ.NUR.KZ.

Әбіш ата мешіті, Әлжан Ана атындағы қыздар медресесінің жетекшісі Айша хажы Гүлжан Назарбаеваның қазасы жайлы Facebook парақшасында жазды. "Сұм ажал бүгін тағы да бір жақсы жанды ортамыздан жұлып әкетті... Ол - Назарбаева Гүлжан Әбішкеліні. Елбасымның туған бауыры Бөкеңнің бәйбішесі, ГН сапа белгісінің иесі Үшқоңыр баурайындағы Шамалған ауылында Шұбарат атты мейрамхана ашып, бүкіл ағайын ғана емес, әлемнің түкпір-түкпірінен ағылған меймандарды қабақ шытпай қарсы алатын, бәрінің қас-қабағын айтпай танып, шамасынша айналасындағыларға көмек-жәрдем беретін сынық мінезді, сырбаз көңілді, кең пейілді абзал жан еді...", - деді ол.

Айша хажының сөзінше, бір де бір той, бір де бір жаназа, бір де бір шілдехана Гүлжан Әбішкелінінің берекелі қолдарымен жайнатылған ақ дастарханынсыз өтпеген. "Оның кең пейілі, бауырмал жүрегі, еріне, түскен жұртына, сүйікті қайын ағасы Нұр-Ағаға деген риясыз көңілі мөлдіреп тұратын... Бір дауысы шығып, ренжігенін көрмеген екенбіз... Әбіш ата мен Әлжан анамызды өз қолымен күтіп, мәпелеп, ақтық сапарға шығарып салған жан еді... Ойламаған жерден үндемей ғана күліп жүре беретін, ешкімге сыр ашып, бейберекет дабырламайтын сабырлы, салиқалы, мәрт күйінде ауырғанын да білдірместен жұмысын жасай жүріп кете барды...

Артында тұңғышындай еркелетіп, бетіне қарсы келіп көрмеген, тек қана үйге аман-сау оралуын сұраған жан жары Бөкең, сүйікті ұлы Нұрболы, қыздары, немерелері, келіндері, жиендері, оны қимай өзектерін өрт шалған замандастары, ел-жұрты, төркіні қалды... Оның мейірімді, сымбатты, нұр шашқан сұлу жүзін енді көрмейтінімізге, ғажайып мейрамханасында үстел басында тәтті шәйінен енді іше алмайтынымызға сене алар емеспіз... Жүрегім өртеніп, Үшқоңырға ұшайын десем, карантин, тыйым, блок-бекет деп тағы өткізбей қоя ма деп тоқталдық... Қайран, Гүлеке-ай! Сабырлы, сырбаз көнтерлі аруымыз-ай! Ертерек кетіп қалғаның қабырғамызды қақырата сөгіп кетті, ауылдағы жақындар мен отбасыңызға, тіпті, ауыр соққы болды-ау! Алдыңыз жарық нұр - жәннат, артыңыз қайырлы береке болсын! Жарқын бейнеңіз, жылы жүзіңіз Әбіш атамыз бен Әлжан анамыздың босағасын берік ұстап келген аяулы, пәк, асыл келіні ретінде жүрегімізге сақталады, бақұл болыңыз, хош болыңыз, Гүл Жан!!!", - деп жазды ол. 

KAZ.NUR.KZ.




Көрілген: 1698    Пікірлер: 0

сейсенбі, 30.06.2020, 14:51

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31