Өркениет

Бекжан Тұрыс: Бір ақсақал ұлыңа жетімнен қыз алма деп ескерткен еді

  • Бекжан Тұрыс: Бір ақсақал ұлыңа жетімнен қыз алма деп ескерткен еді

    Бекжан Тұрыс: Бір ақсақал ұлыңа жетімнен қыз алма деп ескерткен еді

Актер, Қазақстанның еңбек сіңірген қайраткері, Дарын мемлекеттік сыйлығының лауреаты Бекжан Тұрысты танымайтын қазақ жоқ. Бірі Ақылбай ақсақал ретінде таныса, бірі көгілдір экрандағы рөлдерімен, бірі театрдағы образымен таниды. Бекжан Тұрыс қазіргі жастар мен қарттардың жайын айтты. Жастардың білімсіздігі қарттардың ақылсыздығынан деген пікірін ортаға салды.

Бұл туралы NUR TILEÝ бағдарламасында айтылды.

 
Бекжан Тұрыс өзін Ақылбай деп атайтындардың әлі барын жасырмайды. Бұл образы "Ұят болмасын" бағдарламасы арқылы ел есінде қалды. Бекжан Тұрыс қазіргі қоғамда қандай жайттарға қынжылады?

Ақсақалға зәрумін ақсақалға, 

Ақсақалы ұқсайтын ақшақарға.

Бұлбұл ұшты бұл күні көзімнен, 

Ақ сапарға аттанған жақсы адамдар.

Сақалды күн мұрты жоқ қарттарымның

Алдарында келмейді ақтарылғым.

Солар үшін кейде мен бата беріп,

Солар үшін кейде мен атқа міндім", - деп актер сөзін Исраил Сапарбайдың өлеңімен бастады. 

"Қазақ бір ауылды тану үшін ақсақалын көрсет деп сұрайтын. Қазір қарттарымыздың ақсақалдығы бар ма? Тентегіне тек дей алмайтын, итіне кет деп айта алмайтын ақсақал болмайтын бізде. Қазір тек дейтін үлкендер бар ма? Бүгінде биліктің білегін сүйген, атағы бар сақалы жоқ ақсақалсымақтар көп. Жастардың тәрбиесіздігі жөнге салмағаннан емес пе? Исраилдың осы өлеңін өзіме меншіктеп алғанмын. Ақсақал болудың өзі бір мәдениет қой. Оған лайық болудың өзі бір жүк", - деді актер. 

Бекжан Тұрыстың ұлы Мағжан ер жетіп, әкесімен ақылдасатын жасқа жетті. Актердің айтуынша, әке мен бала арасында да келіспеушілік болатын көреді. 

"Ата, бала, немере үшеуі қазанның үш аяғы секілді. Қазір бұл үшеуі үш буын. Ұғым бар да, заты жоқ. Байланыс жоқ. Мен кейде көшеде жалаңаш тұрған қыздарды, темекі шегетін қыздарды көріп қынжылам. Мағжанға айтсам, "сіздер неге сын айтпайсыздар, сын айтатын жаста емессіздер ме дейді". Таяқтың екі ұшы бар. Сөзінің жаны бар", - деді Бекжан Тұрыс. 

Қазір қоғам рухани азғындап кеткен. Ұлтты, елді біріктіретін ұлттық сананы қалай қалыптастыруға болады? Бұл Бекжан Тұрыстың көкейіндегі мәселе. 

"Бірде бір ақсақалмен дастархандас болдым. Ол кісі мені төрге шығарып, ұлымды сұрады. Мағжанды таниды екен. Иманды, ибалы келін жолықсын деп бата берді. Тек жетімнен қыз алма деп ескертті. Мен түрлі тағдыр болады емес пе деп таңғалдым. Сөйтсем, жетім деген әке-шешесіз өскен адам емес, тәрбиесіз өскен адам деді. Тәрбие көрмеген адам жетесіз деген еді. Әлі де сондай ақсақалдар барына қуандым", - деді актер. 




Көрілген: 1518    Пікірлер: 0

дүйсенбі, 12.10.2020, 12:35

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30