Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Болат Назарбаевтың бұрынғы тоқалы тағы мәлімдеме жасады

01 мамыр 2023, 21:19

Болат Назарбаевтың бұрынғы тоқалы Динара Әлжан тағы сұхбат беріп, продюсер, Қайрат Нұртастың анасы Гүлзира Айдарбековаға жауап берді, - деп хабарлайды Alashainasy.kz тілшісі Massaget.kz-ке сілтеме жасап.

Динара Әлжан Hit TV арнасындағы "Менің өмірім" бағдарламасына сұхбат беріп, Қайрат Нұртасқа да, анасына да еш өкпесі жоғын айтады. 

 

"Қанша дегенмен Қайратпен сол кезде араластық, халықтың адамы. Өте талантты, мен оны сыйлаймын. Қанша қиындықтан өтті. Сондықтан анасын да мен түсінемін. Әрбір ана өзінің баласына жамандық ойламайды", - дейді әнші. 

 

"Кім не айтпай жатыр?" Гүлзира Айдарбекова Болат Назарбаевтың тоқалының мәлімдемесіне пікір білдірді

 

Динара Әлжан бұған дейінгі сұхбатында Қайрат Нұртасты балағаттап, жамандау ойында болмағанын айтады. 

 

"Еш ренішім жоқ. Мен тек болған нәрсені айттым", - дейді Динара. 

 

Әнші ол сұхбаттан кейін Қайрат Нұртаспен жеке сөйлеспегенін айтады. 

 

"Уақыт көрсетеді ғой. Мен ол сұхбатта бәрін айтқан жоқпын. Айтылмаған нәрселер де бар. Бірақ оны айтпаймын. Қала берсін", - дейді Динара. 

 

Еске салайық, бұған дейін Динара Әлжан Нұрсейіт Жылқышыбайға берген сұхбатында казинода Қайрат Нұртасқа қалай көмектескенін айтқан еді. 

 

Артынша әншінің бұл мәлімдемесіне Қайрат Нұртастың анасы Гүлзира Айдарбекова пікір білдірді. Оның сөзінше, мұның бәрі - хайп. Ал Қайраттың өмірін әлеуметтік желіден де бақылауға болады.