Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Бішкекте бөксесін ашып, анайы би билеген қазақ әншісі жұрттан сөз естіді

02 тамыз 2022, 19:57

Бішкектегі түнгі клубта өткен жабық концертте жартылай жалағаштанғанымен қоймай, бөксесін бұлғаңдатып анайы билеген әншіні жұрт жерден алып, жерге салып жатыр, - деп хабарлайды Alashainasy.kz тілшісі "Экспресс К"-ға сілтеме жасап.

Клубтағы бидің видеосын ТікТок қолданушысы өз парақшасында жариялады.

 

Бейнежазбадағы бойжеткенді Say Mo деп көрсеткен. Видео Бішкекте өткен жабық кештердің бірінде түсірілген. Онда әншінің сахна алдында тұрып, бөксесін барынша бұлтаңдатып, анайы билегенін көруге болады. Ал оның киген киімі тіпті көрер көзге ұят. Алды жабық болғанымен арты толығымен ашық.

 

Видеоны көрген желі қолданушылары бұл қазақ қызы Say Mo екенін алға тартып, оның мұндай биі өте ұят деген пікірлерін жаудырды.

 

Ал енді бірі әншіге қолдау білдірсе, келесі бірі бойжеткеннің Say Mo екеніне сене алмай отырғанын жазған.

 

 

"Қаншалықты XXI ғасыр адамы болсам да, көп нәрсені түсінсем де менталитетке жат нәрседен аулақ болу қажеттігін ұқтым", "Біздің Сәкен, Мейрамбектер осыны "қарындасым" деп бір дастарханда отырады. Соқыр-ау деймін", "Мынандай қызды тәрбиелеген әкесіне ұят", "Сахнада дені дұрыс, шешінбейтін әнші қалды ма өзі?", "Ақыретті ойла, өмір мәңгі емес", "Әкесі мынаны көріп отырып ұяттан жерге кіріп кеткен шығар", "Жын-ойнақ, Құдай сақтасын", "Бішкекке барып, қазақтың атына кір келтіріп жүр" , "Ұятсыз" деп жазды желі қолданушылары.

 

"Say Mo". Бішкектегі клубта артын ашып, анайы билеген әнші жұрттан сөз естіді / instagram.com/say_mo__

 

Айта кетейік, Бішкектегі түнгі клубтардың бірі 30 шілде күні Say Mo жабық ән кешін өткізетінін бұған дейін жарнамалаған болатын.