Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

"Жалаңаштанғанның бәрі жаман емес": Роза Рымбаева болашақ келіні туралы айтты

26 сәуір 2019, 11:29

Роза Рымбаева ұлдары жалаңаштанып жүретін қалыңдық алып келемін десе, оларды кеудесінен итермей тәрбиелейтінін айтты, деп хабарлайды Stan.kz тілшісі Тalklike бағдарламасына сілтеме жасап.

Әнші ұлдарының жақсы, парасатты, білімді, ақылды жар таңдайтынына сенімді. Арасында әңгіме-дүкен құрған кезде де болашақ келіншектері жайлы айтқанда талғамдары жоғары екенін байқайды екен өнер иесі. «Тең теңімен, тезек қабымен» деген ұстанымдағы ұлдары да өздері сияқты еңбекқор жар кездескенін қалайтын көрінеді.

«Менің балаларым ондай қыздарды таңдайды деп ойламаймын. Мен Әлимен ақылдасқан кезімде «Ол адам маған қызық болуы керек. Мен қандай деңгейде еңбек етіп жүрсем, оның да өзінің қызықты дүниесі болғаны дұрыс, ол меннен мен одан үйренуім керек» деп айтқан еді. Бірақ олқылықтар мен артықшылықтарды мен ғана емес ұлдарым да көретін шығар», - деп үміт арттып, ұлдарына сенім білдірді.

Дегенмен, егер таңдаған адамдары көңілінен шықпаса, ұлдары жалаңаштанып жүретін қалыңдық алып келемін десе, тәрбие беріп, дұрыс жолға сілтейтінін жасырмады. Жалаңаштанғанның бәрі жаман емес дейді халық әртісі.

«Егер сахнада немесе өмірде жалаңаштанып жүрген қызды алып келіп тұрса, олардың бәрін жаман адам деп айтуға болмайды. Біраз тәрбиелеу керек, үйрету керек, білгенінен білмегені көп қой. Бәріміз жас болдық. Мен Тасқынға тұрмысқа шыққанымда, жұмыртқа қуырудан басқа ештеңе білмейтінмін. Солардың бәрін үйрендім», - дейді Роза Рымбаева.

Stan.kz