Өркениет

"Жер қылды": Анна Данченко ата-енесінің қалай кемсіткенін айтты

  • Фото: Instagram/ann_2905. Коллаж: KAZ.NUR.KZ

    Фото: Instagram/ann_2905. Коллаж: KAZ.NUR.KZ

Отандық танымал тележүргізуші Анна Данченко басынан өткен сәтсіз махаббат хикаясымен бөлісті. Армандаған азаматын жолықтырғанына кәміл сенімді болған ақпарат өкілі оның ата-анасына мүлдем ұнамай қалған. Олар алғаш кездесудің өзінде бойжеткенді жерден алып жерге салып, барынша кемсітуге тырысқан. Белгілі журналист аталмыш жағдайға қатысты Instagram желісінде арнайы жазба жариялап, мән-жайды баяндадыдеп жазады KAZ.NUR.KZ.

 

Анна Данченконің айтуынша, ғашығының анасына бірден оның ұлты ұнамаған. Оған қоса, келіншек ұлының таңдауы қарапайым ауылдың қызына түскеніне мүлдем риза болмапты. Алайда, тележүргізуші бұл жағдайда сүйіктісі өзін жақтап шыға алмағаны оған аса ауыр тигенін жеткізді.


"Мені төмендетсе де, рухым түскен жоқ. Осыдан жеті жыл бұрын алматылық жігітпен араласып жүргенімді айтқанмын алдында. Өзі қазақ, өте білімді, сауатты. Ер адамның бойындағы маған ұнайтын барлық қасиеті болды онда, тек. Менің ұлтымды ұната қоймаған анасына мені жақтап ештеңе айта алмағаны өкінішті. Тіпті ата-анасымен танысқан сәтте олар менің "қаланың қызы емес, ауылдан шаққанымды да жақтыра қоймады" , - деп жазды Анна Данченко.

 

Сонымен қатар, белгілі журналист ғашығының ата-анасы оны пәтері мен көлігі бар баласының байлығына қызықты деп сөгіп тастаған.

 

"Әке-шешемнің қанша зейнетақы алатынын сұраған кезде жүрегім ауырып кетті. Оған қоса, мені пәтері мен көлігі бар ұлының ақшасына қызықтың деп айыптап, көпшілік алдында жер қылды. Шыдадым. Қыз баламын ғой, анам үлкен кісілерге сөз қайтармау керектігін де үйретті. Үндемедім. Тыңдап отырдым.
Маған тіл тигіссе, жарайды, қиындықты көп көрген ата-анам жайлы сөз қозғағанда шыдай алмай: "Жақсы, рахмет асыңызға", - деп орнымнан тұра бастағанда: "Сен қазақша білеуші едің ғой, қазақша тілек айт", - деп мысқылдап айтқанда, балабақшадағы бала құсап ортаға шығып айттым тілегімді. Және ол сол отбасымен менің соңғы кездесуім болды" , - деді ол.

 

 

Анна Данченко бұл кездесу өзі үшін үлкен сабақ болғанын айтты. Ол бұл оқиғадан кейін ер адамдарға деген көзқарасы өзөгергенін алға тартты.

 

"Иә, мен ауылдың қызымын, жоқшылықта өссем де, адами қасиеттерді жоғалтпаған жанмын. Ата-анама мың алғыс. Мен біреудің дүниесіне ешқашан қызыққан емеспін, қызықпаймын да. Мен үшін адамның еңбекқорлығы, сөзімен ісінің тазалығы маңыздырақ. Осы жасқа келіп түсінгенім, жетістікке жету үшін Аллаh алдымен сынақтан өткізеді екен.
Оны көтере алатын да, көтере алмайтын жандар да бар. Егер сіздердің өмірлеріңізде дәл қазір қиын жағдай болса - сабыр етіңіз, бәрі уақытша. Жақсы күндердің алыс еместігін есте сақтаңыз. Көпке солай көрінгенімен, әр адамның өмірі "бал мен қаймақ емес". Бірақ еш жағдай сіздің рухыңызды түсірмесін" , - деп жазды ол.

 

 

Қызығы, тележүргізушінің бұрынғы махаббаты оның үйі мен көлігі бар екенін естіп, арада жеті жыл өткеннен кейін қайта хабарласқан

 

"Енді 7 жыл өтіп, үйімнің де көлігімнің барын естіген ол қайта хабарласты. Өткен-өткен. Тек сол сәт еске түсіп кеткені болмаса, бәрі, шүкір, жақсы" , - деп қайырды ол.

 




Көрілген: 5210    Пікірлер: 0

сейсенбі, 03.03.2020, 11:14

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31