Өркениет

Жұлдыздар Қабатов пен Елеукен дауына қатысты ойларын айтты

  • Коллаж: KAZ.NUR.KZ

    Коллаж: KAZ.NUR.KZ

Осыдан біраз уақыт бұрын Тұрсынбек Қабатов пен Есен Елеукен отандық бағдарламалардың бірінде сұхбат беріп, араларының жақсы еместігін айтқан болатын. Еліміздегі шоу-бизнес өкілдері "КТА" мен "Жайдарман" тізгінін ұстаған азаматтардың бұл әрекетіне қатысты пікір білдірді деп жазады "Хит-Тв" арнасының "Хедлайнер" бағдарламасына сілтеме жасаған KAZ.NUR.KZ.


Қос лига жетекшілерінің арасындағы дауға қатысты өз ойларын ортаға салғандар қатарында Тәуекел Мүсілім мен Ерболат Төлегенов, Жахан Отарғалиев пен Жанболат Найзабеков бар.


Елімізге танымал актер, сымбатты сері Тәуекел Мүсіліма нақты біреуді кіналай алмайтынын айтты.


"Әркімнің өзінің мақсаты, талабы бар. Көрсеткісі, таныстырғысы келеді. Сол себептен бұл жерде біреудікі дұрыс деп айту дұрыс емес. Жүгенін тоқтатып немесе... Бар ғой ондай нәрсе. Біреулер аяқтан шалады. Біреулер қызғанады, көре алмайды. Сол себептен, ондай адамдар болмай-ақ қойсын. Алла сақтасын", - дейді актер.


Ал Тұрсынбек Қабатовтың жобалары арқылы танылған вайнер Жахан Отарғалиев екі жетекшінің татуласқанын қалайды.


"Бір жұмыс жасап жатыр. Әркімнің ойы, ойлауы әртүрлі. Мен оларға сыртынан сын айтатын жасқа келген жоқпын", - дейді Жахан Отарғалиев.


"Өнер қырандарының" актері Жанболат Найзабеков өнердегі қос азаматты да сыйлайтынын ашып айтты.


"Келіспеушілік па, бірнәрсе болды дейді. Енді кішігірім нәпсіге беріліп кеткендіктен деп ойлаймын. Негізі екеуін де сыйлаймын. Біз өзіміз "Жайдарманнан" шықтық. Есен біздің ағамыз, жақсы көреміз", - деді "Өнер қырандары" әзіл-ысқақ театрының әзілкеші.


Тұрсынбек Қабатовтың қол астында жұмыс істеп, "Шмән апа" атауымен танылған Ерболат Төлегеновтің де өз айтары бар.


"Адам ретінде Есен Елеукен өте тамаша кісі. Менің анаммен амандасып, үйге келеді. Бірақ Тұрсынбек екеуінің арасында мәселе 10-15 жыл бұрынғы іс. Тіпті осы уақытқа дейін Тұрсынбек бізге ол туралы айтпаған. "Есендікіне барма" немесе "Тұрсынбектікіне барма" деген шектеу қойылған жоқ. Өйткені Тұрсынбек Есен Елеукеннің жерлесім екенін біледі", - деді Ерболат Төлегенов.


Естеріңізге сала кетейік, отандық танымал әзілкеш, "КТА" басшысы Тұрсынбек Қабатов "Қазақстан КВН Одағының" президенті Есен Елеукенмен 2005 жылдан бері түсінісе алмай келе жатқанын ашып айтқан болатын. 




Көрілген: 1347    Пікірлер: 0

жұма, 19.04.2019, 18:05

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30