Өркениет

Қарақат 42 500 теңге алған әріптестерін сөккендерге шүйлікті

  • Фото: instagram.com/karakat_a

    Фото: instagram.com/karakat_a

Әнші Қарақат Әбілдина әліппе мен ана тілін қайтарған Білім министі Асхат Аймағанбетовті және мемлекеттен 42 500 теңге ақшалай көмек алған әріптестерін жақтап инстаграм парақшасында пікірін білдірді, деп хабарлайды Skifnews.kz ақпарат порталы.

 

"Онлайн білім деп бір опық жедік, шын қиындық келгенде, медицина саласы да сыр берді. Бұл мәселелерді жетеріне жеткізіп, айтып, жазып жатқандар көп.

Дәл осылай қоғам өз ойын білдіретін болса, кез келген мәселені шешуге болады. Соңғы күндері көкжиектен күн сәулесі аздап көрінгендей, дерттің беті сәл де болса қайтқандай. Алла жар болсын!

Әлеуметтік желіні ашып қалсаң, жұрт жаппай Аймағанбетовті жақтап жатыр. Иә,министр ретінде атқарған шаруасы аз емес. Ең бастысы, Әліппе,мен ,ана тілін, қайтарды! Бұл түсінген адамға қазақтың болашағы үшін жасалған үлкен жақсылық. Өйткені ана тілін бойына сіңіріп өспеген ұрпақтан ұлтжанды азамат шықпайды. Ол анық. Ал әліппе мен ана тілі - ұлттық болмыстың өзегі, күретамыры.Соңғы уақытта көңілімізді сәл де болса жадыратқан жаңалық осы болды", - деді әнші.

 

Оның айтуынша, әншілерді орынсыз айыптауды қою керек. Себебі өнер адамдары керек кезде көмек көрсетуден жалтармайды.

 

"Бірақ көңілге кірбің түсірер негізсіз ақпараттар да аз емес. Бәрін қойып, енді әншілер неге 42 500 ге ортақтасады деп шулаған сайттарды көзім шалды. Бұл әншілер отырса опақ, тұрса сопақ болды. Әншінің де отбасы, бала-шағасы бар емес пе? Міне, 5 айдан асты жұмыссыз үйде отырған әріптестерімнің мүлдем табыссыз қалғаны рас.

Оларға неге беріледі деп табалау, әділетсіздік емес пе? Оның үстіне, Қазақстанның азаматы ретінде заң барлығына ортақ... Атымызды жамылып осындай қиын уақытта сыртымыздан түрлі алаяқтық жолмен халықты алдап жарыса ақша жасап жатқандар анау. Қалай құдайдан қорықпайды екен? Осы парақшада өз ауызыммен айтылмаған жалған ақпаратқа сенбеңіздер. Сондайлардың кесірінен көзге сүйелдей көрініп қалатынымыз өкінішті", - деді Қарақат ханым.

 

"Қалай болғанда да, қай кездеде ел басына күн туғанда өнер адамдары сырт қалған емес. Бүгінгідей қиын кезеңде де бірігіп,қаражат жинап, елге қол ұшын созған тағы да осы өнер адамдары екенін әлеуметтік желі арқылы-ақ көріп,біліп отырсыздар. ‘Адамға ауызды берген Алла, нәсіпсіз, нәпақасыз қалдырмайды’ деген. Заманымыз тарылса да, ниетіміз тарылмасын! Ең бастысы, ел іргесі тыныш болсын дейік. Амандық болсын. Ал Алланың беретін несібесі карантинге байланысты емес", - деді әнші Қарақат.

 

ФОТО:  www.instagram.com/p/CC_kTPuJqp7/

 




Көрілген: 1020    Пікірлер: 0

жұма, 24.07.2020, 14:42

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30