Өркениет

Қазақстандық "шоу-бизнес" өкілдерінің хоббиі қандай?

  • Қазақстандық

    Қазақстандық "шоу-бизнес" өкілдерінің хоббиі қандай?

Әр қадамы халықтың бақылауында болатын өнер адамдарының қолынан тек ән айтып, би билеу, рөл ойнау, көлік жүргізу, тойға бару келеді десеңіз қателесесіз. Қазақ өнерінде жүрген қыз-жігіттердің әрқайсысының өздері сүйіп айналысатын ермектері бар. Әрине, шоу-бизнесте жақсы көретін ісіңмен айналысуға уақыт табу қиынның қиыны. Дегенмен біздегі шоу-бизнес өкілдерінің де хоббилары көпшілік үшін өте қызық. Бүгін «Алаш айнасы» оқырман назарына «жұлдыздардың» сүйікті ермектерін ұсынып отыр.

Халықтың сүйікті әншісі Мейрамбек Беспаевтың сүйікті ісі – кептер асырау. Кірпияз, таза кептердей құсты бағудан әншінің жаны рахатқа бөленеді екен.

Тоқтар Серік

Абай Бегей, Рамазан Стамғазиев, Тоқтар Серіков сынды жігіттер атқа мініп, саятшылық құрғанды ұнатады. Жалпы қазақ өнеріндегі жігіттердің көбі жылқы баптайды, аңшылықты жақсы көреді. Сондай-ақ әнші-термеші Айгүл Елшібаева, Тамара Асар, Ердос Қанаев сынды өнерлі қыз-жігіттерде жылқыға құмар жандардың қатарында.

Айгүл Елшібаева

Айдана Меденованың бойында әншіліктен басқа суретшілік өнер бар екен. Ол суретті тамаша салады, киім тігеді. Өзінің сахналық киімдерінің сызбасын өзі әзірлейді.

Меруерт Түсіпбаева, Ерке Есмахан сынды арулар спортты жанындай сүйеді екен. Олар фитнес-клубтарға үзбей барады. Меруерттің айтуынша, сұлу болу үшін ең алдымен спортқа жақын болу керек. Сондай-ақ Меруерт ханым қыста сырғанаққа барғанды, жазда ролик тепкенді ұнатады екен.

Абай Бегей

Айнұр Тұрсынбаева ас әзірлеудің шебері. Ас үйде өзін нағыз кәсіби аспаз секілді сезінетін айтыскер ақын әзірлеген тағамдар бал татитынын оның әріптестері, құрбылары жарыса айтады.

Нұрлан Еспановтың ең сүйікті ісі моншаға бару екен. Әнші, сазгер жігіт тіпті аптасына үш рет моншаға барудан жалықпайды екен.

Тамара Асар

Өзі гүлдей сұлу Қарақаттың сүйікті ісі – гүл өсіру. Әсемдікті жаны сүйетін қазақтың еліктей ерке қызы гүл өсіруді анасынан үйреніпті. Күміс көмей әншінің үйінде қысы-жазы гүлдің түр-түрі жайқалып тұрады. Сондай-ақ гүл өсіруді жақсы көретін өнер иелерінің қатарында белгілі әнші Жеңіс Ысқақова да бар.

Меруерт Түсіпбаева

Аружан Жазылбекова саяхаттағанды ұнатады. Ол өзінің инстаграм парақшасында түрлі елдерді саяхаттаған кезіндегі суреттерімен жиі бөлісіп отырады. Сондай-ақ актриса йогамен айналысады.

Сырым Қашқабаев киноға түсуден, театрдағы қойылымдардан бос уақытында тауға шыққанды және балыққа барғанды жақсы көреді екен.

Айдана Меденова

Дастан Оразбаев, Бағлан Әбдірайымов секілді сері жігіттер спортты жандарына серік еткен. Олар белгілі дәрежеде күреспен айналысады.
 

Автор: Айнұр Нұрсабет




Көрілген: 3893    Пікірлер: 1

сейсенбі, 03.02.2015, 14:01

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31